+7 (701) 759 90 19
-10 °С : نۇر-سۇلتان
-2 °С : الماتى
USD 386.19 EUR 427.71
RUB 6.07 CNY 54.87
جاڭالىقتار

ەلوردادا وڭىرلەردەن كەلگەن 400 اسكەري قىزمەتشى ونەر كورسەتتى

21 قاراشا 19:51
:ءبولىسۋ
ەلوردادا وڭىرلەردەن كەلگەن 400 اسكەري قىزمەتشى ونەر كورسەتتى

نۇر- سۇلتان. قازاقپارات - قازاقستان قارۋلى كۇشتەرى شىعارماشىلىق ۇجىمىنىڭ «سارباز ساحناسى» جالپى اسكەري فەستيۆالىنىڭ سوڭعى كەزەڭى ەلوردادا ءوتتى. ءتۇرلى وڭىردەن كەلگەن 400 اسكەري قىزمەتشىلەر ونەرلەرىن ورتاعا سالدى، دەپ حابارلايدى قازاقپارات قر قورعانىس مينيسترلىگىنە سىلتەمە جاساپ.


قاتىسۋشىلار ءتورت نوميناتسيا بويىنشا سىنعا ءتۇستى. ولار: ۆوكال (جەكە، انسامبل قۇرامىندا)، اسپاپتى انسامبل (ۇرمەلى، سوقپالى، فولكلورلى)، فوتوگراف، سۋرەتشى، كوركەم ويۋ شەبەرلەرى مەن باسقالارى قاتىساتىن ەرەكشە نومىرلەر بولدى.

سوليستەر مەن مۋزىكالىق ۇجىمدار اسكەري- پاتريوتتىق تاقىرىپتاعى وتاندىق جانە شەتەلدىك كومپوزيتورلاردىڭ تۋىندىلارىن ورىندادى.


«شىعىس» وڭىرلىك قولباسشىلىعى ەكى نوميناتسيا بويىنشا جەڭىمپاز اتاندى. اتاپ ايتقاندا، جاسۇلان تاجيەۆ «ۆوكالدان»، «جاڭا عاسىر» فالكلورلىق- ەتنوگرافيكالىق ءانسامبلى اسپاپتىق ورىنداۋدا ۇزدىك اتاندى. ۇجىمدىق بيشىلەر اراسىندا قۇرلىق اسكەرلەرى اسكەري ينستيتۋتىنىڭ «سەمسەر» بي توبى ۇزدىك ونەر كورسەتسە، جەكە ورىنداۋدا ءبىرىنشى ورىندى ق ر ق ك قىزمەتكەرى، ۇلتىق قورعانىس ۋنيۆەرسيتەتىنەن ءسانيا جۇلدىز الدى. فەستيۆالدىڭ باس جۇلدەسىنە «وڭتۇستىك» وڭىرلىك قولباسشىلىعى اسكەري ءبولىمىنىڭ «تاليسمان» بي توبى يە بولدى.


ءار نوميناتسيادا جەڭىمپازدار مەن گران- پري يەگەرىنە باعالى سىيلىقتار، «سارباز ساحناسى» باس ءمۇسىنى مەن ديپلوم تابىس ەتىلەدى. گالا- كونسەرت پەن ماراپاتتاۋ راسىمىنە قورعانىس ءمينيسترىنىڭ ءبىرىنشى ورىنباسارى – ق ر ق ك باس شتابىنىڭ باستىعى گەنەرال- مايور مۇرات بەكتانوۆ قاتىستى. ول ونەرپازدارعا بايقاۋعا قاتىسقانى ءۇشىن العىس ءبىلدىرىپ، شىعارماشىلىق تابىس تىلەدى.


«قازاقستان قارۋلى كۇشتەرى شىعارماشىلىق ۇجىمىنىڭ «سارباز ساحناسى» جالپى اسكەري فەستيۆالىنىڭ باستى ماقساتى - كوركەم ونەرپازداردىڭ كاسىبي دامۋىنا يدەولوگيالىق جانە مادەني- دەمالىس جۇمىستارىنىڭ تيىمدىلىگىن ارتتىرۋ، تالانتتى اسكەري قىزمەتشىلەردى انىقتاۋ. ءبىز قاتىسۋشىلاردىڭ ونەرلەرىن تولقىنىسپەن باقىلاپ، تالانتى مەن شەبەرلىگىن باعالاپ، قولداۋ كورسەتىپ وتىردىق»، - دەدى ول.


شارا سوڭىندا لاۋرەتتاردىڭ قاتىسۋىمەن گالا- كونسەرت ءوتتى.

ق ر قارۋلى كۇشتەردىڭ شىعارماشىلىق ۇجىمى وتكىزەتىن «سارباز ساحناسى» بۇكىل ارميالىق فەستيۆالى جىل سايىن ءتورت كەزەڭدە وتكىزىلەدى. اتاپ ايتقاندا، قارۋلى كۇشتەردىڭ وڭىرلىك قولباسشىلىقتارىندا، تەكتەرى مەن تۇرلەرىندە، روتالار، بوتالوندار مەن بريگادالار دەڭگەيىندە.

ايتا كەتەيىك، ق ر قورعانىس ءمينيسترىنىڭ باستاماسىمەن بيىلدان باستاپ، قارۋلى كۇشتەردەگى «جاس ۇلان» اسكەري اندەر فەستيۆالى ەكى كونكۋرسقا ءبولىندى. ولار قارۋلى كۇشتەرى شىعارماشىلىق ۇجىمىنىڭ «سارباز ساحناسى» جالپى اسكەري فەستيۆالى جانە رسەپۋبليكالىق «جاس سارباز» اسكەري- پاتريوتتىق اندەر فەستيۆالى.


باستى سوزدەر:
:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات