الماتى جولدارىندا 400 پوليسيا قوزعالىستى رەتتەپ تۇر
الەۋمەتتىك جەلىلەردە الماتىنىڭ ناۋرىزباي، المالى، الاتاۋ، اۋەزوۆ اۋداندارىنىڭ تۇرعىندارى ەلەكتر ەنەرگياسىنىڭ بەرىلۋى توقتاعانىن جازدى. قالالىق اكىمدىك وقىس جاعدايدىڭ سەبەپتەرىن انىقتاپ جاتىر. قازىر كوشەلەردە باعدارشامدار ىستەن شىعىپ، بىرنەشە شاقىرىمعا سوزىلعان كەپتەلىس پايدا بولدى. ءتىپتى الماتى وبلىسىنىڭ كەيبىر اۋداندارىندا، تالعار قالاسىندا دا جارىق جوق.
«قالادا جارىق وشكەنى تۋرالى حابارلاما تۇسكەن سوڭ جول پاترۋلدىك پوليتسيا قىزمەتكەرلەرى بارلىق قيىلىستاردا جول قوزعالىسىن رەتتەۋگە كوشتى. ەڭ الدىمەن ماگيسترالدى كوشەلەرگە، كەيىن ەكىنشى دەڭگەيدەگى كوشەلەرگە پوليتسيا ساپ تۇزەدى. جول قوزعالىسىن رەتتەۋگە 400 پوليتسيا قىزمەتكەرى شىقتى» ، - دەدى قالالىق پوليتسيا دەپارتامەنتىنىڭ باسپا ءسوز قىزمەتىنەن.
پوليتسيانىڭ حابارلاۋىنشا، قازىر كوشەلەردە جول كولىك قوزعالىسى رەتتەلگەن. جول وقيعاسى تىركەلگەن جوق. ەسكە سالا كەتسەك، الماتى قالاسىنىڭ ءبىرقاتار اۋداندارى جارىقسىز قالعاننىن حابارلاعان بولاتىنبىز.