استانادا اۆتوبۋس جۇرگىزۋشىسىنىڭ جالاقىسى 400 مىڭ تەڭگەگە دەيىن كوتەرىلۋى مۇمكىن
استانادا قوعامدىق كولىكتى جاقسارتۋ، ىڭعايلى ەتۋ بويىنشا جۇمىستار ءجۇرىپ جاتىر. جول كارتاسىن ەنگىزۋ ارقىلى جول اقىسىن تولەۋدەگى كولەڭكەلى قاراجاتتى شىعارۋعا مۇمكىندىك بەردى. قازىرگى كۇنى قالالىق قوعامدىق كولىكتى قولداناتىنداردىڭ 90 پايىزى ەلەكتروندى كارتامەن تولەۋگە كوشتى.
جۋىق ارادا «Astana LRT» بۇل كورسەتكىشتى % 95-98 جەتكىزۋدى كوزدەۋدە. مىسالى، ەلەكتروندى جول ءجۇرۋ اقىسىن ەنگىزگەن العاشقى اپتادا كولەڭكەلى اينالىمنان شامامەن % 15 كىرىس شىعارىلدى. تاسىمالداۋشىلار وسىنىڭ ارقاسىندا قوعامدىق كولىك سانىن دا ارتتىرۋدى كوزدەۋدە.
«ەگەر قازىرگى كەزدەگىدەي سۋبسيديا بولىنەتىن بولسا جانە قازىرگى كەزدەگىدەي پايدا تاۋىپ جاتاتىن بولساق جىل اياعىنا دەيىن جاڭا اۆتوبۋستار الامىز دەگەن ويدامىز، شامامەن 20-25 اۆتوبۋس. جوسپار بويىنشا «يۆەكو» اۆتوبۋستارىن جانە جاڭارتىلعان «ۋربان ۆەيۆ» اۆتوبۋستارىن الۋدى ويلاستىرۋدامىن»، دەدى № 3 اۆتوپارك باسشىسى باۋرجان تىلەۋبەرگەنوۆ.
سونىمەن قاتار، جولداعى جاعدايدى جاقسارتۋدىڭ تاعى ءبىر امالى جۇرگىزۋشىلەردىڭ ءتارتىبىن قولعا الۋ. جانە دە بۇل جۇمىستا شەشۋشى كۇش - پاسساجيرلەر. ەگەر جۇرگىزۋشى ۋاقىتىمەن جۇرسە جانە جول كولىك وقيعاسىنا تۇسپەسە، پاسساجيرلەردەن شاعىم بولماسا، وندا ەڭبەگى ەكى ەسە وسەتىن بولادى.
«قازىر جۇرگىزۋشىلەر بەلگىلەنگەن 200 مىڭ تەڭگە ەڭبەكاقى الادى. ەگەر ول 15-18 كۇن تولىق ەڭبەك ەتسە، ول زەينەتاقى مەن سالىقتى شەگەرىپ قالعاندا، وسى اقىنى الادى. جانە ەگەر ءبارى دۇرىس بولىپ، ونىڭ اتىنا شاعىم تۇسپەسە، جول وقيعاسىنا تۇسپەسە، جۇمىس ەرەجەسىن بۇزباسا قوسىمشا 200 مىڭ تەڭگە قوسىلادى. سونىمەن قاتار، ۇزىن اۆتوبۋستاردا جۇرەتىن جۇرگىزۋشىلەرگە % 50 ۇستەمە قاراستىرىلعان. ءبارىن قوسقاندا بەلگىلەنگەن ەڭبەكاقىمەن ساناعاندا 400 مىڭ تەڭگە الۋعا مۇمكىندىك بار»، دەدى ب. تىلەۋبەرگەنوۆ.
بۇدان بۇرىن حابارلانعانداي، ەلوردا اۆتوبۋستارىندا سارالانعان تاريف بەكىتىلدى. وسىلايشا، قالالىق باعدارلاردا جۇرگەنى ءۇشىن تولەمدى كارتامەن جۇزەگە اسىرۋ كەزىندە جول اقىسى وزگەرىسسىز 90 تەڭگە كولەمىندە قالدى. بۇدان بولەك، كولىك كارتاسىن پايدالانۋشىلارىنا ارنالعان باسىمدىق - بىرنەشە كولىككە اۋىسىپ وتىرىپ، تەگىن ءجۇرۋ قۇقىعى ساقتالدى. اقشالاي تولەم كەزىندە قالالىق اۆتوبۋستا ءجۇرۋ قۇنى - 180 تەڭگە.ق