شىعىستا 40 گرادۋس اياز ساقتالادى: 8 وڭىردە ەسكەرتۋ جاريالاندى

استانا. قازاقپارات - «قازگيدرومەت» ر م ك 30-قاراشادا كۇن رايىنىڭ بۇزىلۋىنا بايلانىستى بىرنەشە وڭىردە ەسكەرتۋ جاريالادى، دەپ حابارلايدى قازاقپارات.

اتاپ ايتقاندا، الماتى وبلىسىنىڭ ۇلكەن الماتى سۋ الابىندا قار كوشكىنى ءجۇرۋى ىقتيمال. وسى سەبەپتى قار جاتقان تاۋ بەتكەيلەرىنە شىعۋدان باس تارتۋ ۇسىنىلادى.

جەتىسۋ وبلىسىنىڭ سولتۇستىگىندە، تاۋلى اۋداندارىندا تۇمان كۇتىلەدى. سولتۇستىك- شىعىستان جەل سوعادى، ەكپىنى 23-28 م/س جەتۋى مۇمكىن. الاكول كولدەرى اۋدانىندا وڭتۇستىك- شىعىستان كەي ۋاقىتتاردا 30 م/س جانە ودان جوعارى جىلدامدىقتا جەل كوتەرىلەدى.

قىزىلوردا وبلىسىندا جەل سولتۇستىك- شىعىستان باتىسقا اۋىسىپ سوعادى، كۇندىز وبلىس ورتالىعىندا كۇشى 15-20 م/س ارتادى.

كۇندىز اقمولا وبلىسىنىڭ باتىسىندا، وڭتۇستىگىندە جاياۋ بۇرقاسىن بولجانادى. شىعىستان، وڭتۇستىك- شىعىستان جەل سوعىپ، كۇندىز ءوڭىردىڭ سولتۇستىگىندە، وڭتۇستىگىندە ەكپىنى 15-20 م/س كۇشەيەدى.

تۇندە شىعىس قازاقستان وبلىسىنىڭ سولتۇستىك- شىعىسىندا 40 گرادۋس قاتتى اياز ساقتالادى.

تۇركىستان وبلىسىنىڭ تاۋلارىندا قاتتى جاۋىن- شاشىن (جاڭبىر، قار) جاۋادى. وبلىستىڭ باتىسىندا، وڭتۇستىگىندە، تاۋلى جانە تاۋ بوكتەرلى اۋداندارىندا تۇمان، كوكتايعاق بولادى. وڭتۇستىك- باتىستان جەل سوعادى، تاۋ اسۋلارىندا ەكپىنى 15-20 م/س قۇرايدى.

شىمكەنت قالاسىندا كەي ۋاقىتتا تۇمان، كوكتايعاق كۇتىلەدى.

تاۋلىك بويى 30-قاراشادا، تۇندە 1-جەلتوقساندا جامبىل وبلىسىنىڭ تاۋلى جانە تاۋ بوكتەرلى اۋداندارىندا قاتتى قار جاۋاتىنى كۇتىلەدى. وبلىستىڭ وڭتۇستىگىندە، سولتۇستىگىندە، تاۋلى اۋداندارىندا تۇمان، كوكتايعاق بولادى. جەلدىڭ جىلدامدىعى تاڭەرتەڭ جانە كۇندىز 30-قاراشادا، تۇندە 1 جەلتوقساندا 23-28 م/س جەتەدى.