ەكىباستۇزدا 40 تان استام ءۇي سۋسىز، 11 ءۇي جارىقسىز وتىر - قالا اكىمى

ەكىباستۇز. قازاقپارات - ەكىباستۇزدا 40-تان استام ۇيگە اۋىزسۋ ءالى بەرىلگەن جوق.

بۇل تۋرالى ب ا ق وكىلدەرىنىڭ قاتىسۋىمەن وتكەن بريفينگىدە اتالعان قالانىڭ اكىمى ايان بەيسەكين ءمالىم ەتتى، دەپ حابارلايدى قازاقپارات ءتىلشىسى.

«بۇگىنگى تاڭدا 40 تان استام ءۇي سالقىن سۋسىز وتىر. كەشە سۋسىز وتىرعان ۇيلەردىڭ سانى 56 بولىپ ەدى. بۇل باعىتتا وڭ ديناميكا بايقالادى. ارينە، بۇل جاعداي ەلەكتر جۇيەلەرىنە سالماق تۇسىرۋدە. بۇرىن قالا 30-32 مەگاۆاتت ەلەكتر ەنەرگياسىن تۇتىنسا، قازىر ول تاۋلىگىنە 48-55 مەگاۆاتقا جەتىپ وتىر. ەلەكتر جەلىلەرىنە كۇش تۇسۋىنەن بۇگىنگى تاڭدا 11 ءۇي جارىقتان اجىراتىلدى. قازىرگى تاڭدا قالادا جالپى 7 بريگادا جۇمىس ىستەپ جاتىر»، - دەدى ەكىباستۇز قالاسىنىڭ اكىمى.

ەسكە سالا كەتەيىك، بۇگىن توتەنشە جاعدايلار مينيسترلىگى ەكىباستۇز قالاسىنا قوسىمشا كۇشتەر مەن قۇرالدار جىبەرگەن بولاتىن.

ەكىباستۇز جىلۋ ەلەكتر ورتالىعىندا اپات 27- قاراشادا بولعان ەدى. سالدارىنان قالا تۇرعىندارى جىلۋسىز قالدى.

كەيىنىرەك جىلۋ قازاندىعىنىڭ ىستەن شىعۋىنا بايلانىستى وبلىس اكىمى باستاعان جەدەل شتاب قۇرىلدى.

ەكىباستۇز قالاسىنىڭ وقۋشىلارى ونلاين وقۋعا كوشىرىلدى.

28- قاراشا كۇنى تاڭەرتەڭ قالادا جەرگىلىكتى اۋقىمداعى توتەنشە جاعداي جاريالاندى.

30- قاراشادا ەكىباستۇزعا پرەمەر-مينيستر ءاليحان سمايىلوۆ بارىپ، كىنالىلەر جاۋاپقا تارتىلاتىنىن ايتتى.

كەشە، 1- جەلتوقساندا ق ر پرەزيدەنتى قاسىم-جومارت توقايەۆ ءابىلقايىر سقاقوۆتى پاۆلودار وبلىسىنىڭ اكىمى قىزمەتىنەن بوساتتى. ونىڭ ورنىنا ۋاقىتشا ولەگ كرۋك تاعايىندالدى.