قازاقستاندا شىلدە ايىندا جۇمىسسىزدىق دەڭگەيى 4,9 پايىزدى قۇرادى
بۇل جالپى ەڭبەك كۇشىنىڭ %4,9 پايىزى (وسى جىلدىڭ ماۋسىم ايىندا - 4,9 پايىز)، دەپ حابارلايدى قازاقپارات ءتىلشىسى ق ر ۇلتتىق ەكونوميكا مينيسترلىگى ستاتيستيكا كوميتەتىنە سىلتەمە جاساپ.
2018 -جىلعى ماۋسىمنىڭ سوڭىنا قازاقستانداعى جۇمىسپەن قامتۋ ورگاندارىندا جۇمىسسىزدار رەتىندە رەسمي تىركەلگەندەر سانى 154,6 مىڭ ادامدى قۇرادى. بۇل كورسەتكىش ەكونوميكالىق بەلسەندى حالىق سانىنا شاققاندا 1,7 پايىز دەڭگەيىندە بولادى.
2018 -جىلعى شىلدە- ماۋسىم ايلارىندا جاسىرىن جۇمىسسىزدىق دەڭگەيى 0,3 پايىزدى نەمەسە ەڭبەك كۇشىنىڭ سانىنا شاققاندا 25,9 مىڭ ادامدى قۇرادى.
رەسپۋبليكا ەكونوميكاسىندا شىلدە ايىندا 8,7 ميلليون ادام جۇمىسپەن قامتىلعان. اتالمىش كەزەڭدە جۇمىسپەن قامتىلعان حالىقتىڭ ىشىنەن جالدامالى جۇمىسشىلار 6,6 ميلليون نەمەسە جالپى ەڭبەك كۇشىنىڭ %76,1 قۇرادى.
ۇستىمىزدەگى جىلدىڭ ەكىنشى جارتىجىلدىعى بويىنشا الدىن الا بەرىلگەن مالىمەتكە سايكەس، ءوزىن-ءوزى جۇمىسپەن قامتىعان حالىقتىڭ جالپى كولەمىنەن ءونىمدى جۇمىسپەن قامتىلعانداردىڭ ۇلەسى - 90,3 پايىز، ال ءونىمسىز جۇمىس جاساپ جاتقاندار دەڭگەيى 9,7 پايىزدى قۇرادى.