تالدىقورعاندا قاڭتار وقيعاسى كەزىندە بۇلىنگەن اكىمدىك عيماراتى 4,7 ميلليارد تەڭگەگە جوندەلۋدە
30 ماۋسىم 08:02

تالدىقورعاندا قاڭتار وقيعاسى كەزىندە بۇلىنگەن اكىمدىك عيماراتى 4,7 ميلليارد تەڭگەگە جوندەلۋدە

تالدىقورعان. قازاقپارات - تالدىقورعاندا قاڭتار وقيعاسى كەزىندە بۇلىنگەن وبلىستىق اكىمدىك عيماراتىن قالىپقا كەلتىرۋگە 4 ميلليارد 758 ميلليون تەڭگە بولىنگەن، دەپ حابارلايدى قازاقپارات ءتىلشىسى.

وبلىستىق قۇرىلىس باسقارماسىنىڭ قازاقپارات تىلشىسىنە بەرگەن مالىمەتىنشە، جوندەۋ جۇمىستارى تولىقتاي 30- قىركۇيەكتە اياقتالۋى ءتيىس. ال بۇل مەكەمەنىڭ جالپى اۋماعى - 9793,9 شارشى مەتر، 6 قاباتتان تۇرادى.


تالدىقورعاندا قاڭتار وقيعاسى كەزىندە بۇلىنگەن ەكىنشى مەكەمە - قالالىق پوليتسيا باسقارماسىنىڭ عيماراتى. مۇندا دا جوندەۋ جۇمىستارى مەكەمەنىڭ ءىشى- سىرتىندا جۇرگىزىلىپ جاتىر. ىشكى جۇمىستار اياقتالۋعا جاقىن قالعان. عيماراتتىڭ قابىرعالارى سىلانىپ، جاڭادان ەسىكتەر قويىلعان. ال جوندەۋ جۇمىستارىنا 795 ميلليون تەڭگە بولىنگەن. بۇل عيمارات كەلىسىم- شارت بويىنشا 30- تامىزدا تولىقتاي جوندەلىپ، ءبىتۋى كەرەك. سونىمەن قاتار، شاھاردا بۇلىكشىلەر قيراتقان ءۇشىنشى عيمارات - «امانات» پارتياسىنىڭ وبلىستىق فيليالىنىڭ كەڭسەسى. بۇل كەڭسەنىڭ ءۇشىنشى قاباتى ورتەنىپ، ەسىك- تەرەزەلەرى سىنىپ، جيھازدارى بۇلىنگەن. ونى قالىپقا كەلتىرۋ ءۇشىن دەمەۋشىلەردىڭ ەسەبىنەن 219 ميلليون تەڭگە ءبولىنىپ، جوندەۋ جۇمىستارىنىڭ 85 پايىزى اياقتالدى.


جاڭالىقتار