18:39, 27 - قازان 2020 | GMT +6
شىڭجاندا 4,75 ميلليونعا جۋىق تۇرعىن كوروناۆيرۋسقا تەكسەرىلدى
بەيجىڭ. قازاقپارات - شىڭجاڭ- ۇيعىر اۆتونوميالىق اۋدانىنىڭ قاشعار وكرۋگىندە (ش ۇ ا ا) ءتورت كۇن ىشىندە كوروناۆيرۋسقا شامامەن 4,75 ميلليون تەست جاسالدى، دەپ حابارلايدى قازاقپارات قىتايدىڭ ورتالىق تەليەۆيدەنيەسىنە سىلتەمە جاساپ.
«جەرگىلىكتى ۋاقىت بويىنشا 17.00-دەگى دەرەكتەرگە سايكەس، قاشعار وكرۋگىنىڭ تۇرعىندارىن تەستىلەۋ اياقتالدى. بارلىعى 4746500 ادام كوروناۆيرۋسقا تەست تاپسىردى، ونىڭ 183-ىندە COVID-19 ينفەكسياسى راستالدى، قالعان ناتيجەلەر تەرىس» دەلىنگەن CCTV حابارلاماسىندا.
ەستەرىڭىزگە سالا كەتەيىك، وتكەن سەنبىدە قاشعار وكرۋگىنىڭ شۋفۋ ۋەزىندە كوروناۆيرۋستى جۇقتىرۋدىڭ ءبىر اسيمپتوماتيكالىق جاعدايى انىقتالعاننان كەيىن ش ۇ ا ا بيلىگى شامامەن 4,75 ميلليون ادام تۇراتىن قاشعار وكرۋگىنىڭ بارلىق تۇرعىنىن سىناقتان وتكىزۋ جونىندە شەشىم قابىلداعان بولاتىن.
اۆتور: گۇلزات اقجولوۆا