پەتروپاۆلدا ماس كۇيدە كولىك جۇرگىزگەن ادام 4,5 جىلعا سوتتالدى

None
None
پەتروپاۆل. قازاقپارات - پەتروپاۆلدا كولىك باسقارۋعا قۇقى بولماسا دا رۋلگە ماس كۇيدە وتىرىپ، ءبىر ادامنىڭ ولىمىنە تاعى بىرەۋىنىڭ اۋىر جاراقات الۋىنا سەبەپكەر بولعان ەر ادام 4,5 جىلعا سوتتالدى، دەپ حابارلايدى قازاقپارات ءتىلشىسى.

پەتروپاۆل قالالىق سوتىنىڭ مالىمەتىنشە، سوتتالعان ك. بۇعان دەيىن ماس كۇيدە كولىك جۇرگىزگەنى ءۇشىن كولىك باسقارۋ قۇقىعىنان ايىرىلعان. ءبىراق بۇل وعان رۋلگە قايتا ماس كۇيدە وتىرۋعا توقتاۋ سالماعان. سالدارىنان وبلىس ورتالىعىنداعى كوشەلەردىڭ بىرىندە باعدارشام باعانىنا سوعىلدى.

جول- كولىك وقيعاسىندا ءبىر ادام قازا تاپتى، تاعى بىرەۋىنىڭ دەنساۋلىعىنا اۋىر زاقىم كەلدى. سوت وتىرىسىندا زارداپ شەگۋشىلەردىڭ رۇقساتىمەن پروكۋرور مەن ك. -نىڭ اراسىندا پروتسەسسۋالدىق كەلىسىم جاسالدى. ونىڭ تالابى بويىنشا پروكۋرور سوتتالۋشىعا 4 جىل 6 اي جازا كەسۋدى جانە ءومىر بويىنا كولىك جۇرگىزۋ قۇقىعىنان ايىرۋدى سۇرادى. ك. -دا ءوز تاراپىنان ءتيىستى تالاپتاردى ورىندادى. جالپى قىلمىستىڭ بۇل تۇرىنە 7 جىلدان 9 جىلعا دەيىن باس بوستاندىعىنان جانە ءومىر بويىنا بەلگىلى ءبىر لاۋازىمدارعا تاعايىندالۋ، بەلگىلى ءبىر قىزمەتپەن اينالىسۋ قۇقىعىنان ايىرۋ كوزدەلگەن.

الايدا پروتسەسسۋالدىق كەلىسىمگە كەلگەن جاعدايدا ماكسيمالدى جازا ½- دەن اسپاۋى كەرەك، ياعني 4 جىل 6 اي جازا قاراستىرىلعان. پەتروپاۆل قالالىق سوتى ك. -نى 4,5 جىلعا باس بوستاندىعىنان جانە ءومىر بويىنا كولىك باسقارۋ قۇقىعىنان ايىردى. سوتتالعان جازاسىن قىلمىستىق- اتقارۋ جۇيەسىنىڭ ورتاشا قاۋىپسىزدىكتەگى مەكەمەسىندە وتەيدى. بۇعان دەيىن سولتۇستىك قازاقستان وبلىسىندا بيىل كولىكتى قايتا ماس كۇيدە باسقارعان 27 ادامعا قىلمىستىق ءىس قوزعالىپ، 10 ى باس بوستاندىعىنان ايىرىلعانىن ايتقان ەدىك.

اۆتور: اقەركە داۋرەنبەك قىزى

سوڭعى جاڭالىقتار