الماتىدا 4,5 مىڭعا جۋىق وتباسى اتاۋلى الەۋمەتتىك كومەك الدى
الماتى قالالىق الەۋمەتتىك ءال-اۋقات باسقارماسىنىڭ مالىمەتىنشە، اتاۋلى الەۋمەتتىك كومەك - ايلىق تابىسى كەدەيلىك شەگىنەن تومەن جەكە تۇلعالارعا مەملەكەتتەن بەرىلەتىن اقشالاي تولەم. كەدەيشىلىك شەگى توقسان سايىن كۇنكورىس دەڭگەيىنىڭ %70 مولشەرىندە انىقتالادى.
«بيىل 35,4 مىڭ ادامدى قامتاماسىز ەتۋ ءۇشىن ا ا ك تولەۋگە رەسپۋبليكالىق بيۋجەتتەن 4,6 ميلليارد تەڭگە ءبولىندى. جىل باسىنان بەرى 4419 وتباسىنا (22 مىڭ ادام) 1 154,8 ميلليون تەڭگە تولەندى، ونىڭ ىشىندە 1757 كوپبالالى وتباسى بار» دەپ اتاپ ءوتتى باسقارماداعىلار. بۇدان باسقا، 2020-جىلدان باستاپ از قامتىلعان وتباسى بالالارىنا زاتتاي قولداۋدى قامتيتىن كەپىلدى الەۋمەتتىك پاكەت قاراستىرىلعان.
پاكەتكە كىرەتىن زاتتار: - مەكتەپ جاسىنا دەيىنگى بالالارعا (1 جاستان 6 جاسقا دەيىن) - بالالار تاعامى جانە گيگيەنالىق كەرەك-جاراق؛ - مەكتەپ جاسىنداعى (6 جاستان 18 جاسقا دەيىن) بالالارعا مەكتەپتە ىستىق تاماق، مەكتەپ فورماسى مەن كەرەك-جاراعىن ساتىپ الۋ جانە جول ءجۇرۋ شىعىنىن وتەۋ. 1 جاستان 6 جاسقا دەيىنگى 3804 بالاعا 36,6 ميلليون تەڭگەنىڭ ازىق-تۇلىك جيىنتىعى بەرىلدى.