+7 (701) 759 90 19
-19 °С : نۇر-سۇلتان
-6 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

سولتۇستىك قازاقستان وبلىسى شەتەلدەن اسىل تۇقىمدى 4,5 مىڭ ءىرى قارا ساتىپ الادى

20 قاراشا 15:28
:ءبولىسۋ
سولتۇستىك قازاقستان وبلىسى شەتەلدەن اسىل تۇقىمدى 4,5 مىڭ ءىرى قارا ساتىپ الادى

پەتروپاۆل. قازاقپارات - سولتۇستىك قازاقستان وبلىسىنىڭ فەرمالارى مال باسىن اسىلداندىرىپ جاتىر. بيىل وڭىرگە جەتكىزىلۋى ءتيىس 4,5 مىڭ باستىڭ 3,5 مىڭى شارۋالاردىڭ قولىنا تيگەن، دەپ حابارلايدى قازاقپارات ءتىلشىسى.

قىزىلجار اۋدانىنداعى نوۆونيكولسكوە ەلدى مەكەنىنە گەرمانيادان گولشتين تۇقىمدى 160 ءىرى قارا مال اكەلىندى. بۇل شەتەلدەن جەتكىزىلۋى ءتيىس تۇلىكتىڭ العاشقى پارتياسى. ءسۇتتى سيىرعا فەرمەرلەر اراسىندا سۇرانىس جوعارى. سول سەبەپتى جەرگىلىكتى شارۋالار دا جولدىڭ شالعايلىعىنا قاراماستان، ونى كوپتەپ اكەلىپ جاتىر. «زەنچەنكو ي ك» كومانديتتىك سەرىكتەستىگى سيىرلاردى ءسۇتتى مال شارۋاشىلىعىن دامىتۋ باعدارلاماسى اياسىندا ساتىپ الدى. بۇل باعدارلاما ۇزاق مەرزىمگە شاقتالعان. ماقساتى - ءسۇت ونىمدەرىنىڭ يمپورتىن الماستىرۋ.

گولشتين سيىرى تاۋلىگىنە 50-60 ليتر ءسۇت بەرەدى. تەك كۇتىمى جاقسى بولۋى قاجەت. مامانداردىڭ سوزىنە قاراعاندا، بۇل تۇقىم سولتۇستىكتىڭ كليماتىنا تەز جەرسىنەدى.

« قىزىلجار اۋدانى بويىنشا جىلدىڭ اياعىنا دەيىن شەتەلدەن 1300 مال جەتكىزىلەدى. قازىر اكەلگەن سيىرلاردى 21 كۇندىك كارانتينگە قويامىز. اسا قاۋىپتى اۋرۋلاردى الدىن الۋ ءۇشىن وسىلايشا ۋاقىتشا وقشاۋلايمىز. اكەلىنگەن ءار سيىر ءۇشىن شارۋاشىلىق 337 مىڭ تەڭگەدەن سۋبسيديا الادى. گولشتيندى 2008 -جىلى «زەنچەنكو ي ك» كومانديتتىك سەرىكتەستىگى كانادادان اكەلە باستاعان. بۇل مالدىڭ ونىمدىلىگى، ءسۇت بەرۋى وتە جوعارى» ، - دەيدى قىزىلجار اۋداندىق ۆەتەريناريا ءبولىمىنىڭ باسشىسى سىرعابەك بايجانوۆ.

قازىر «زەنچەنكو ي ك» شارۋاشىلىعىندا 3,5 مىڭعا جۋىق ءىرى قارا مال بار. ولار كۇنىنە 70 توننا ءسۇت بەرەدى. جىل سوڭىنا دەيىن گولشتين تۇقىمدى تاعى 440 سيىر قوسىلادى.

س ق و اۋىل شارۋاشىلىعى باسقارماسى ماماندارىنىڭ مالىمەتىنشە، بيىل ءىرى قارا مال سانى %1,7 ۇلعايىپ، 367 مىڭعا جەتتى. ونىڭ 198 مىڭى - ءسۇتتى سيىر. «سىباعا» ، «ىرىس» جانە ءسۇتتى مال شارۋاشىلىعىن دامىتۋ باعدارلامالارى ارقىلى اعىمداعى جىلى وڭىرگە 4,5 مىڭ باس اسىل تۇقىمدى قارا مال ساتىپ الىنۋى ءتيىس بولسا، بۇگىنگە دەيىن ونىڭ 3,5 مىڭى جەتكىزىلدى.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات