وتاندىق كينوجوبالاردى قارجىلاندىرۋعا 4,4 ميلليارد تەڭگە ءبولىندى
بۇل جايىندا ۇلتتىق كينونى قولداۋ مەملەكەتتىك ورتالىعىنان ءمالىم ەتتى، دەپ حابارلايدى قازاقپارات ءتىلشىسى.
ايتا كەتەرلىگى، پيتچينگكە قاتىسۋعا ءوتىنىم قابىلداۋ 18-ناۋرىزدا باستالىپ، 15-مامىردا اياقتالدى. وسى جىلى سالانى مەملەكەتتىك قارجىلاندىرۋ سوماسى 4,4 ميلليارد تەڭگە شاماسىندا. الايدا، ورتالىق كونكۋرس قورىتىندىسى ناقتى قاشان شىعاتىنىن ايتا الماي وتىر. ويتكەنى، ەڭ الدىمەن ورتالىق جانىنداعى ساراپشىلىق كەڭەس مەملەكەتتىك قارجىلاندىرۋدان ءۇمىتتى كينوجابالاردى قارايدى. ودان كەيىن كونكۋرس ناتيجەسىندە ىرىكتەپ الىنعان جوبالار مەملەكەتتىك قولداۋعا ۇمىتكەر فيلمدەردىڭ سوڭعى ءتىزىمىن كەلىسەتىن ۆەدومستۆوارالىق كوميسسياعا جىبەرىلەدى.
وسى راسىمدەر اياقتالعاننان كەيىن عانا ق ر مادەنيەت جانە سپورت ءمينيسترىنىڭ ۇلتتىق كينو ءوندىرىسىنىڭ تاقىرىپتىق جوسپارىنا كىرەتىن كينوجوبالاردىڭ ءتىزىمى كورسەتىلگەن بۇيرىعى شىعادى.
سوڭعى 3 جىلدا مەملەكەت ۇلتتىق كينەماتوگرافيانى قولداۋ ءۇشىن 11 ميلليارد تەڭگەدەن استام قاراجات ءبولدى. وسى قاراجاتقا 48 فيلم، ونىڭ ىشىندە 20 كوركەم، 12 دەرەكتى، 3 انيماتسيالىق جانە 13 دەبيۋتتىك فيلم ءتۇسىرىلدى.
اۆتور: مارلان جيەمباي