قازاقستاندا بولشەك ساۋدا كولەمى %4,4ءوستى

 استانا. قازاقپارات - قازاقستاندا 2019 -جىلدىڭ قاڭتارىندا بولشەك ساۋدا كولەمى 2018 -جىلدىڭ قاڭتارىنا قاراعاندا %4,4 ءوسىپ، 694,6 ميلليارد تەڭگەنى قۇرادى، دەپ حابارلايدى قازاقپارات ءتىلشىسى ق ر ۇلتتىق ەكونوميكا مينيسترلىگىنىڭ ستاتيستيكا كوميتەتىنە سىلتەمە جاساپ.

ەسەپتى كەزەڭدە كاسىپورىندار ساتاتىن تاۋارلاردىڭ بولشەك ساۋداداعى كولەمى %4,1، جەكە كاسىپكەرلەردىڭ، سونىڭ ىشىندە بازاردا ساۋدا- ساتتىق جاسايتىن كاسىپكەرلەردىڭ ساۋداسى % 4,8 وسكەن.

 جالپى بولشەك ساۋداداعى ازىق- تۇلىك تاۋارلارىنىڭ ۇلەسى - %31,3. ال ازىق- تۇلىككە جاتپايتىن تاۋارلار ۇلەسى -% 68,7. سوعان قاراماستان، ازىق- تۇلىك تاۋارلارىنىڭ وتكىزىلۋ كولەمى 2018 -جىلدىڭ قاڭتارىمەن سالىستىرعاندا% 5,7، ال ازىق- تۇلىككە جاتپايتىن تاۋارلار %3,8 كوبەيدى.

بيىل 1 - اقپاندا ساۋدا كاسىپورىندارىنىڭ (ەسەپ بەرگەن كاسىپورىندار بويىنشا) بولشەك ساۋدا بويىنشا تاۋار قورىنىڭ كولەمى 509,5 ميلليارد تەڭگەنى قۇراعان، ساۋدا كۇندەرى - 63 كۇن.

2019 -جىلدىڭ قاڭتار ايىندا كوتەرمە ساۋدا كولەمى 1 503,1 ميلليارد تەڭگەنى قۇرادى. بۇل وتكەن جىلدىڭ سايكەس كەزەڭىندەگى دەڭگەيمەن سالىستىرعاندا% 9,6 ارتىق. كوتەرمە تاۋار اينالىمى قۇرىلىمىندا ازىق- تۇلىككە جاتپايتىن تاۋارلار مەن وندىرىستىك- تەحنيكالىق ماقساتتاعى ونىمدەر باسىمدىققا يە بولىپ وتىر. ولاردىڭ جالپى ۇلەسى% 77,7 قۇرادى.