+7 (701) 759 90 19
-3 °С : نۇر-سۇلتان
-3 °С : الماتى
USD 386.30 EUR 428.14
RUB 6.08 CNY 54.87
جاڭالىقتار

جىل باسىنان بەرى جالپى ىشكى ءونىم 4,3 پايىزعا ءوستى - رۋسلان دالەنوۆ

14 قازان 11:17
:ءبولىسۋ
جىل باسىنان بەرى جالپى ىشكى ءونىم 4,3 پايىزعا ءوستى - رۋسلان دالەنوۆ

نۇر-سۇلتان. قازاقپارات - ۇلتتىق ەكونوميكا مينيسترلىگى رۋسلان دالەنوۆ قازاقستاننىڭ جىل باسىنان بەرگى الەۋمەتتىك- ەكونوميكالىق دامۋ قورىتىندىسىن جاريا ەتتى، دەپ حابارلايدى قازاقپارات ءتىلشىسى.

«وسى جىلدىڭ قاڭتار- قىركۇيەك ايلارىندا جالپى ىشكى ءونىم (ج ءى ءو) 4,3 پايىزعا ءوستى. ءوسىم قۇرىلىس (13,5 پايىز)، ساۋدا (7,6 پايىز) جانە كولىك سالاسىنداعى (5,5 پايىز) شىعارىلىمنىڭ ۇلعايۋىمەن قامتاماسىز ەتىلگەنىن اتاپ ءوتۋ كەرەك. نەگىزگى كاپيتالعا سالىنعان ينۆەستيسيا 9,7 پايىزعا ءوستى. قىركۇيەكتە جىلدىق ينفلياتسيا 5,3 پايىزدى قۇرادى (2018 -جىلدىڭ قىركۇيەگىندە 6,1 پايىز بولعان). بۇل جوسپارلانعان ءدالىز، ياعني 4-6 پايىز شەگىندە»، - دەدى مينيستر ۇكىمەت وتىرىسىندا.

رۋسلان دالەنوۆتىڭ ايتۋىنشا، قاڭتار- تامىز ايلارىندا حالىقتىڭ ناقتى تابىسى 6,7 پايىزعا ارتقان.

«ونەركاسىپ ءوندىرىسى 9 ايدا 3,3 پايىزعا ءوستى. وڭدەۋ ونەركاسىبى مەن كەن ءوندىرۋ ونەركاسىبى ءوسىم درايۆەرى بولدى. وندەۋ سالاسىندا ەڭ جوعارى وسىمگە جەڭىل ونەركاسىپتە (19,0 پايىز)، ماشينا جاساۋدا (18,2 پايىز)، سۋسىن وندىرىسىندە (15,3 پايىز) جانە فارماتسيەۆتيكادا (12,5 پايىز) قول جەتكىزىلدى. كەن ءوندىرۋ ونەركاسىبىندە مەتالل كەنىن ءوندىرۋ 13,1 پايىز كوبەيدى. بۇل ءوسىم ءتۇستى مەتالل رۋداسىن ءوندىرۋدىڭ (18,4 پايىز) ۇلعايۋىمەن قامتاماسىز ەتىلدى. سونىمەن بىرگە، كومىر (3,1- پايىز) جانە مۇناي (0,5- پايىز) وندىرۋدە ءالى دە تومەندەۋ بايقالادى»، - دەدى مينيستر.

اۆتور: ايان بەكەن ۇلى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات