جۇمىسپەن قامتۋدىڭ جول كارتاسى: سەمەيدە 4 جوبا بويىنشا 300 گە جۋىق جۇمىس ورنى قۇرىلادى
شىعىس قازاقستان وبلىسى اكىمدىگىندە وتكەن جيىندا سەمەي قالاسىنىڭ اكىمى باقىتجان باياحمەتوۆ «جۇمىسپەن قامتۋدىڭ 2020-2021 -جىلدارعا ارنالعان جول كارتاسى» باعدارلاماسى اياسىندا ىسكە اسىرىلىپ جاتقان جوبالار جايلى ەسەپ بەردى.
جالپى ءوڭىر بويىنشا 9 ينفراقۇرىلىمدىق جوبادا تۇراقتى جۇمىس ورىندارىن اشۋ كوزدەلگەن، ونىڭ تورتەۋى سەمەي شاھارىنا تيەسىلى. باقىتجان باياحمەتوۆ «ستەپنوي كەنتىنە 300 ورىندىق ورتا مەكتەپ سالۋ» جوباسى بيىل جەلتوقسان ايىنا دەيىن جالعاساتىنىن ايتتى.
«رك-3 «تەپلوكوممۋنەنەرگو» قايتا جاڭارتۋدىڭ 3-كەزەڭى» جوباسى بويىنشا ازاماتتاردى جۇمىسپەن قامتۋ 2022 -جىلى ىسكە اسىرىلادى. «حولودنىي كليۋچ» كەنتىنىڭ سۋ قۇبىرى جەلىسىن قايتا سالۋ جانە كەڭەيتۋ» جوباسى ويداعىداي ىسكە اسىپ كەلەدى. بۇگىنگى تاڭدا جۇمىس كولەمى%29 عا ورىندالدى، سالىنعان 10 شاقىرىمنان استام سۋ قۇبىرى جەلىسى 40 ۇيگە جەتكىزىلگەن. سونداي- اق 125 قۇدىق ورناتىلدى. بارلىق جۇمىس بيىل 1-قازانعا دەيىن اياقتالۋى ءتيىس»، - دەدى ول.
«ەرتىس وزەنىنىڭ جاعالاۋىن نىعايتۋ (بەيبىتشىلىك ارالى، ميرنىي، ۆوستوچنىي كەنتتەرى جانە پريستان) « جوباسىنىڭ قۇرىلىس جۇمىستارى بيىل 12 شىلدەدە باستالعان. بۇگىنگى تاڭدا مەردىگەر كومپانيا قاجەت ماتەريالدارعا، سونىڭ جول پليتالارىنا تاپسىرىس بەردى. جۇمىستار بيىل جەلتوقسان ايىندا اياقتالادى دەپ جوسپارلانعان. بارلىق ءتورت جوبانى ىسكە اسىرۋ بارىسىندا 160 ادام ۋاقىتشا جانە 127 ادام تۇراقتى جۇمىسپەن قامتىلادى.
«ماۋسىم ايىندا جۇمىس ورىندارىن قۇرۋ جونىندە كەڭەس وتكىزىلدى. جۇمىس بەرۋشى مەردىگەر كومپانيالارعا «ەلەكتروندىق ەڭبەك شارتتارىن ەسەپكە الۋدىڭ ءبىرىڭعاي جۇيەسى» جانە «ينتەگراتسيالانعان كارتا: جۇمىس ورىندارىن قۇرۋ مونيتورينگى» اقپاراتتىق جۇيەسى ارقىلى ينفراقۇرىلىمدىق جوبالارعا جۇمىسقا ورنالاسۋ قاعيدالارى مەن شارتتارى ءتۇسىندىرىلدى. ماسەلە مەنىڭ تۇراقتى باقىلاۋىمدا»، - دەدى قالا اكىمى.