ءبىرىڭعاي جيناقتاۋشى زەينەتاقى قورى ءبىر ايدا 4,2 ميلليون قىزمەت كورسەتتى
بۇل تۋرالى قازاقپارات قورعا سىلتەمە جاساپ حابارلايدى.
بۇل وتكەن 2020-جىلدىڭ سايكەس كەزەڭىمەن سالىستىرعاندا 2,6 ەسە كوپ. ايتا كەتۋ كەرەك، ءوسىم ەلەكتروندىق قىزمەتتەر بويىنشا دا، ب ج ز ق فيليالدارىندا تىكەلەي كورسەتىلگەن قىزمەتتەر بويىنشا دا بولدى.
ۆيرتۋالدى كەڭىستىكتە قوردىڭ قىزمەتتەرىن 3,9 ميلليون سالىمشى الدى، بۇل كورسەتىلگەن قىزمەتتەردىڭ جالپى كولەمىنىڭ %92 قۇرايدى. وتكەن جىلمەن سالىستىرعاندا ونلاين قىزمەتتەردىڭ تانىمالدىلىعى ءۇش ەسە ۇلعايدى.
ەستەرىڭىزگە سالا كەتەيىك، بجزق سايتىندا دا، ءموبيلدى قوسىمشاسىندا دا بار جەكە كابينەتتىڭ كومەگىمەن سالىمشىلار ۇيدەن شىقپاي-اق، جەكە زەينەتاقى شوتىنان ءۇزىندى-كوشىرمە، ج ز ش- نىڭ بار-جوعى تۋرالى انىقتاما الا الادى. زەينەتاقى جيناقتارىنىڭ سوماسىن ءىشىنارا پايدالانۋ جانە (نەمەسە) ي پ ب- عا اۋدارۋ ءۇشىن تەكسەرىپ، ءوز دەرەكتەمەلەرىنە وزگەرىستەر مەن تولىقتىرۋلار ەنگىزىپ، 1 نەمەسە 2 توپتاعى مۇگەدەكتىكتىڭ مەرزىمسىز ۋاقىتقا بەلگىلەنۋىنە بايلانىستى زەينەتاقى تولەمدەرىن تاعايىنداۋ تۋرالى ءوتىنىش بەرە الادى.
سالىمشىلاردىڭ ءبىر بولىگى بۇرىنعىسىنشا قازاقستان بويىنشا ورنالاسقان قور فيليالدارىنا ءوتىنىش بىلدىرۋدە. ب ج ز ق بولىمشەلەرىندە سالىمشىلار 312 مىڭ قىزمەت الدى، بۇل وتكەن 2020-جىلمەن سالىستىرعاندا 35,9 مىڭ قىزمەتكە كوپ.
ب ج ز ق مىندەتتەرىنىڭ ءبىرى - قوردىڭ سالىمشىلارى مەن الۋشىلارى ءۇشىن ساپالى كەڭەس بەرۋ قىزمەتتەرىن كورسەتۋ جانە اقپاراتتىق ارنالاردى دامىتۋ ەكەنىن اتاپ ءوتۋ ماڭىزدى. 2021-جىلعى قاڭتاردا كەرى بايلانىس ارنالارى بويىنشا سالىمشىلار جاساعان وتىنىشتەردىڭ سانى ءبىر جىل بۇرىنعى كورسەتكىشتەرمەن سالىستىرعاندا ءۇش ەسەدەن استام ارتتى.
2021-جىلدىڭ ءبىرىنشى ايىندا 252,5 مىڭ ءوتىنىش، ال 2020 -جىلدىڭ قاڭتارىندا 78,8 مىڭ ءوتىنىش بەرىلدى.
ەستەرىڭىزگە سالا كەتەيىك، بجزق سالىمشىلارى مەن الۋشىلارى 1418 ءنومىرى بويىنشا call-ورتالىقتان (قازاقستان بويىنشا قوڭىراۋ شالۋ تەگىن) كەڭەس الا الادى، سونداي-اق، كەڭەستەردى www.enpf.kz كورپوراتيۆتىك سايتىنان، 77770001418+ ءنومىرى بويىنشا whatsapp جانە Viber چات-بوتتارى ارقىلى جانە Facebook، Instagram، ۆكونتاكتە، Twitter، Telegram، ودنوكلاسسنيكي الەۋمەتتىك جەلىلەرىندەگى بجزق رەسمي پاراقشالارىنان الۋعا بولادى.