+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

قازاقستاندا سوڭعى 4 جىلدا «كولەڭكەلى» ەكونوميكا 29 دان 20 پايىزعا دەيىن تومەندەگەن

20 قىركۇيەك 17:27
:ءبولىسۋ
قازاقستاندا سوڭعى 4 جىلدا «كولەڭكەلى» ەكونوميكا 29 دان 20 پايىزعا دەيىن تومەندەگەن

نۇر- سۇلتان. قازاقپارات - مەملەكەت باسشىسى قارجىلىق مونيتورينگ اگەنتتىگىنىڭ ءتوراعاسى جانات ەليمانوۆتى قابىلدادى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.

پرەزيدەنتكە اگەنتتىكتىڭ «كولەڭكەلى» ەكونوميكاعا قارسى ءىس- قيمىل بويىنشا اتقارعان جۇمىستارىنىڭ قورىتىندىلارى تۋرالى مالىمەت بەرىلدى.

قاسىم- جومارت توقايەۆقا بيىلعى 8 ايدا 1508 ەكونوميكالىق قۇقىق بۇزۋشىلىق انىقتالعانى، ونىڭ 803- ءى اۋىر جانە اسا اۋىر قىلمىستار ساناتىنا جاتاتىنى جونىندە باياندالدى. 36 ۇيىمداسقان قىلمىستىق توپتىڭ ارەكەتتەرىنە توسقاۋىل قويىلعان. الكوگول ونىمدەرىن شىعاراتىن 26 جاسىرىن سەح پەن 224 زاڭسىز ويىنحانا جابىلعان.

اگەنتتىك ءتوراعاسىنىڭ ايتۋىنشا، سوڭعى 4 جىلدا «كولەڭكەلى» ەكونوميكا 29 پايىزدان 20 پايىزعا دەيىن تومەندەگەن. مەملەكەت باسشىسىنىڭ تاپسىرماسى بويىنشا ۇكىمەت كولەڭكەلى ەكونوميكاعا قارسى ءىس- قيمىلدىڭ الداعى 3 جىلعا ارنالعان كەشەندى جوسپارىن بەكىتتى.

جانات ەليمانوۆ الەۋمەتتىك ماڭىزى بار باعىتتار بويىنشا دا جۇمىستار جالعاسىپ جاتقانىن ايتتى. اتاپ ايتقاندا، ازىق- تۇلىك باعالارىنىڭ كوتەرىلمەۋىن قامتاماسىز ەتۋگە ءتيىس تۇراقتاندىرۋ قورلارىن قۇرۋ ءۇشىن بولىنگەن بيۋدجەت قاراجاتىن جىمقىرۋدىڭ 5 دەرەگى انىقتالعان. تاراز قالاسىندا جىلۋ، قىزىلوردا قالاسىندا گاز تاسىمالى تاريفتەرىنىڭ نەگىزسىز كوتەرىلۋىنە جول بەرىلمەدى. بالالارعا ارنالعان مامانداندىرىلعان جانە مەديتسينالىق- الەۋمەتتىك مەكەمەلەردىڭ لاۋازىمدى تۇلعالارىنا قاتىستى 36 سوتقا دەيىنگى تەرگەپ- تەكسەرۋ ءىسى باستالدى. ولار 376 ميلليون تەڭگە كولەمىندە زالال كەلتىرگەن. كەزدەسۋ قورىتىندىسى بويىنشا مەملەكەت باسشىسى ءبىرقاتار ناقتى تاپسىرما بەردى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات