جامبىلدا ىزدەۋدە جۇرگەن 4 ادام ۇستالىپ، 20 قىلمىس دەرەگى اشىلدى

تاراز. قازاقپارات - جامبىل وبلىسى اۋماعىندا «قۇقىقتىق ءتارتىپ» رەسپۋبليكالىق جەدەل-الدىن الۋ ءىس-شاراسى وتكىزىلدى، - دەپ حابارلايدى قازاقپارات ءتىلشىسى.

«قۇقىقتىق ءتارتىپ» جەدەل-الدىن الۋ ءىس-شاراسىن وتكىزۋدىڭ 3 كۇنى ىشىندە وبلىس بويىنشا ىزدەۋدە جۇرگەن ءتورت ادام ۇستالدى، بۇرىن جاسالعان 20 قىلمىس دەرەگى اشىلدى. سونداي-اق، تىيىم سالىنعان زاتتاردى زاڭسىز الىپ ءجۇرۋدىڭ جانە ساقتاۋدىڭ سەگىز دەرەگى انىقتالعان. بۇل تۋرالى وبلىستىق پوليتسيا دەپارتامەنتىنىڭ باسپا ءسوز قىزمەتى حابارلادى.

اتاپ ايتساق، شارا بارىسىندا تەگىس ۇڭعىلى اتىس قارۋىن زاڭسىز ساقتاۋدىڭ ەكى دەرەگى، جالپى سالماعى 2,5 كەلى ەسىرتكى زاتتارىن ساقتاۋدىڭ 4 دەرەگى، جارىلعىش زاتتار مەن وق-دارىلەردى الىپ ءجۇرۋدىڭ 1 دەرەگى جانە سۋىق قارۋدى الىپ ءجۇرۋدىڭ 1 دەرەگى بەلگىلى بولعان.

«نولدىك توزىمدىلىك» تارتىبىندە 1921 اكىمشىلىك قۇقىق بۇزۋشىلىق انىقتالسا، ونىڭ 48 ءى وتباسى-تۇرمىستىق قاتىناستار سالاسىنداعى قۇقىققا قايشى ارەكەتتەر.

بۇدان باسقا، ۇساق بۇزاقىلىق ءۇشىن - 211 ادام، سپيرتتىك ىشىمدىكتەر ىشكەنى نەمەسە قوعامدىق ورىنداردا ماس كۇيىندە بولعانى ءۇشىن 210 ادام اكىمشىلىك جاۋاپكەرشىلىككە تارتىلدى، 92 ادام ت س ۆ ا ي د- عا ورنالاستىرىلدى جانە 19 ادام قابىلداۋ-تاراتۋ ورنىنا قامالدى.

سونداي-اق، جولدا قارسى جولاققا شىعۋدىڭ 5، قاۋىپسىزدىك بەلدىگىن تاقپاي كولىك قۇرالىن باسقارۋدىڭ 263، جاياۋ جۇرگىنشىلەرگە جولدا ارتىقشىلىق بەرمەۋدىڭ 74، جاياۋ جۇرگىنشىلەردىڭ ءجۇرۋ قاعيدالارىن بۇزۋدىڭ 342 دەرەگى انىقتالدى»، - دەلىنگەن ۆەدومستۆو حابارلاماسىندا.