ورتالىق ازيا جالپى ىشكى ءونىمىنىڭ ءوسۋ قارقىنى بيىل 4,1 پايىزعا جەتەدى

None
استانا. قازاقپارات - ورتالىق ازيا ەلدەرىنىڭ جالپى ىشكى ءونىمىنىڭ (ج ءى ءو) ءوسۋ قارقىنى 2023-جىلى 4,1 پايىزدى قۇرايدى.

بۇل تۋرالى بواو ازيا فورۋمىنىڭ (ب ا ف) جاريالانعان جىلدىق ەسەبىندە ايتىلعان، دەپ حابارلايدى قازاقپاراتتىڭ مەنشىكتى ءتىلشىسى.

وڭىردەگى دامۋ كەلەشەگى مەن ينتەگراتسيالىق ۇدەرىستەرگە ارنالعان تالدامالىق قۇجاتتا اتاپ كورسەتىلگەندەي، جالپى العاندا، ازيا ەلدەرىنىڭ ەكونوميكالىق ءوسۋ قارقىنى 2023-جىلى 4,5 پايىزدى قۇرادى.

شىعىس ازياداعى ج ءى ءو ءوسىمى بيىل 4,5 پايىزعا دەيىن وسەدى دەپ كۇتىلىپ وتىر. بۇل ءۇردىس قىتاي ەكونوميكاسىنىڭ قالپىنا كەلۋىنە بايلانىستى.

دۇنيەجۇزىلىك بانكتىڭ (د ب) باعالاۋىنشا، ۆەتنام، فيليپپين، موڭعوليا جانە كامبودجانىڭ ەكونوميكالىق ءوسۋ قارقىنى سايكەسىنشە 6,3 پايىز، 5,4 پايىز، 5,3 پايىز جانە 5,2 پايىز بولادى.

وڭتۇستىك ازيا 2023-جىلى ەڭ جوعارى جالپى ءوسۋ قارقىنى 5,4 پايىز بولاتىن قوسالقى ايماق بولادى. بۇل نەگىزىنەن ءۇندىستاننىڭ جوعارى ءوسۋ قارقىنىنا بايلانىستى.

ورتالىق ازيانىڭ ءجىو ءوسۋ قارقىنى 2023-جىلى شامامەن 4,1 پايىز بولادى دەپ بولجانعان.

باتىس ازيانىڭ ءوسۋ قارقىنى 2023-جىلى 2,9 پايىزدى قۇرايدى، بۇل - ازيالىق قوسالقى ايماقتار اراسىنداعى ەڭ تومەنگى كورسەتكىش.

ج ءى ءو ءوسىمىنىڭ ەڭ جوعارى قارقىنى ب ا ءا- دە - 4,1 پايىز دەڭگەيىندە.

قۇجاتتا 2023-جىلى ازيا ايماعى جالپى ەكونوميكالىق ءوسۋ قارقىنىن جەدەلدەتىپ، وڭىرلىك ءوندىرىس، ساۋدا، ينۆەستيتسيالىق جانە قارجىلىق ينتەگراتسيانى ىلگەرىلەتۋدى جالعاستىراتىنى اتاپ وتىلگەن.

«ازيا ەكونوميكالارىنىڭ سىرتقى تۇراقتىلىعى، ونەركاسىپتىك تىزبەكتەردى قايتا كونفيگۋراتسيالاۋ، كليماتتىڭ وزگەرۋىنە جاۋاپ بەرۋ جانە ايماقتىق ساۋدا كەلىسىمدەرىن جۇزەگە اسىرۋ - مۇقيات نازار اۋدارۋدى قاجەت ەتەتىن ءتورت ماڭىزدى ماسەلە»، - دەلىنگەن ب ا ف شولۋىندا.

28-31- ناۋرىز ارالىعىندا قىتايدىڭ حاينيان ارالىندا جىل سايىنعى بواو ازيا فورۋمى ءوتىپ جاتىر.

فورۋم اياسىندا «استانا» حالىقارالىق قارجى ورتالىعىنىڭ (ا ح ق و) گۋبەرناتورى رەنات بەكتۇروۆ «ءبىر بەلدەۋ، ءبىر جول: دامۋ مۇمكىندىكتەرىن ءبولىسۋ» پانەلدىك سەسسياسىنا قاتىستى.


سوڭعى جاڭالىقتار