ا ق ش- تا 3D- پرينتەردەن باسىلعان «اقىلدى» ۇيلەر ساۋداعا شىعارىلدى
«حاۋس» دەپ اتالاتىن مودەل تولىعىمەن اۆتونومدى، جۇيەلەر كۇن ەنەرگياسىمەن جۇمىس ىستەيدى. ۇيگە ىرگەتاس قاجەت ەمەس، دەمەك قۇرىلىسقا دا رۇقساتتىڭ كەرەگى جوق. قابىرعاعا ارنالعان قۇرىلىس ماتەريالى رەتىندە پوليمەرلى وقشاۋلاۋ 3D پرينتەردەن باسىپ شىعارىلعان. سونداي- اق ءۇي التى كامەرالى تەرەزەپاكەتتەرىمەن جابدىقتالعان. ءۇي ءۇش نۇسقادا قولجەتىمدى:
- اۋدانى 37 ش. م. ءبىر بولمەلى ءۇيدىڭ قۇنى - 199,999 دوللار (86 ميلليون تەڭگە)؛
- اۋدانى 74 ش. م. بولاتىن ەكى بولمەلى ءۇيدىڭ قۇنى - 379,999 دوللار (163 ميلليون تەڭگە)؛
- اۋدانى 149 ش. م. ەكى قاباتتى ءۇيدىڭ قۇنى - 1 ميلليون دوللار (429 ميلليون تەڭگە).
ءۇي باعاسىنا كۇن ەنەرگياسىنىڭ اككۋمۋلياتورلارى، اۆتونومدى كارىز قۇبىرى، جيھاز جانە دەكور ەلەمەنتتەرى كىرەدى. «اقىلدى» ءۇي قاشىقتىقتان باسقارۋ جۇيەسىمەن جابدىقتالعان. وندىرۋشىلەر ءۇيدىڭ داۋىل مەن جەر سىلكىنىسىنە قارسى تۇرا الاتىندىعىن اتاپ ءوتتى. قىزمەت ەتۋ مەرزىمى ءداستۇرلى قۇرىلىس ماتەريالدارىنان سالىنعان ۇيلەرگە قاراعاندا ون ەسە ۇزاعىراق.
www.24.kz