ەلوردانىڭ 3D كارتاسى جاسالادى
بۇل تۋرالى قالالىق ساۋلەت، قالا قۇرىلىسى جانە جەر قاتىناستارى باسقارماسى قازاقپارات رەداكتسياسىنىڭ ساۋالىنا جاۋابى بارىسىندا ءمالىم ەتتى.
«نۇر-سۇلتان قالاسىنىڭ 3D ساندىق كارتاسىن جاساۋعا 100-دەن استام مامان تارتىلدى. ولاردىڭ قاتارىندا جەردى قاشىقتان زوندتاۋ، ءاەروفوتۇسىرىلىم، كارتوگرافيا، فوتوگراممەتريا، اقپاراتتىق تەحنولوگيالار جونىندەگى كاسىپ يەلەرى بار. قالانىڭ 3D كارتاسى مەن ينجەنەرلىك جەلىلەردى سيفرلاندىرىلۋ جۇمىسى 3 كەزەڭنەن تۇرادى. الدىمەن قالانىڭ 2D كارتاسىن جاساۋ، سودان سوڭ 3D كارتانى ازىرلەۋ جانە ءۇشىنشى كەزەڭ ينجەنەرلىك جەلىلەر كارتاسىن دايىنداۋ. بۇل باعىتتاعى جۇمىس وسى جىلدىڭ 10- ماۋسىمىندا باستالدى، اياقتاۋ 2021-جىلدىڭ 31- جەلتوقسانىنا جوسپارلانىپ وتىر»، - دەلىنگەن حابارلامادا.
سونداي-اق، اتالعان باسقارما قازىرگى ۋاقىتتا قالاداعى ينجەنەرلىك جەلىلەر بويىنشا قانداي پروبلەمالار بارىندا اتاپ ءوتتى.
«بۇگىنگى تاڭدا قالانىڭ ينجەنەرلىك جەلىسىنىڭ باستى پروبلەماسى - كارتادا كوورديناتتار دۇرىس ورنالاستىرىلماعان. سوندىقتان قانداي دا ءبىر جەر جۇمىستارىن جۇرگىزۋ كەزىندە ينجەنەرلىك جەلىلەردى زاقىمداۋ قاۋپى بار. بۇل ماسەلەنى شەشۋ ءۇشىن ينجەنەرلىك جەلىلەردىڭ ءبىرىڭعاي كارتاسى بولۋى شارت. سونداي-اق، اتالعان كارتا كوممۋنالدىق قىزمەت، قالا اكىمدىگى جانە باسقا دا مۇددەلى تاراپتاردىڭ جۇمىسى بارىسىندا قاجەت»، - دەپ حابارلايدى باسقارما.
اتالعان مەكەمەنىڭ مالىمەتىنشە، سيفرلاندىرۋ جانە 3D جۇمىسىنا تولىقتاي وتاندىق ماماندار تارتىلادى.
«سيفرلىق 2D / 3D كارتاسىن جاساۋ ەڭ الدىمەن 21-عاسىردىڭ تەحنولوگيالارىنا سايكەس قالا قۇرىلىسىن جوسپارلاۋ ءۇشىن، سونداي-اق سيفرلىق باس جوسپار قۇرۋ ءۇشىن قاجەت. ەلورداداعى عيماراتتار مەن ينجەنەرلىك جەلىلەردى تسيفرلاندىرۋ جۇمىستارىنا «KazAeroSpace « ج ش س جاۋاپتى جانە وندا تولىقتاي وتاندىق ماماندار جۇمىس ىستەيدى. بۇل جاۋاپتى ۇيىم قالانىڭ كارتاسىن فوتوگراممەتريا عىلىمىنىڭ نەگىزىنە سۇيەنىپ ازىرلەيدى. جانە ول تەحنولوگيانىڭ پاتەنتى مەن اۆتورلىق قۇقىعى بار»، - دەپ جازىلعان ساۋال جاۋابىندا.