بانككە قارىزىن 3 ايدان اسا تولەمەگەندەرگە نەسيە بەرىلمەيدى - اگەنتتىك ۇسىنىسى
«بانكتىك قارىز نەمەسە ميكروكرەديت بويىنشا مەرزىمى وتكەن بەرەشەگى كۇنتىزبەلىك 90 كۇننەن اساتىن جەكە تۇلعاعا كاسىپكەرلىك قىزمەتتى جۇزەگە اسىرۋعا بايلانىستى ەمەس بانكتىك قارىز بەرۋگە تىيىم سالىنادى»، - دەپ جازىلعان «اشىق» ن ق ا پورتالىندا جاريالانعان جوبادا.
اگەنتتىك تۇسىندىرمەسىنە سايكەس، مۇنداي باستاما قازاقستاندىقتاردىڭ كوپ قارىزدانۋىنىڭ الدىن الۋعا باعىتتالعان.
«ازاماتتاردىڭ بورىشتىق جۇكتەمەسىنىڭ ودان ءارى ءوسۋ تاۋەكەلدەرىن بولدىرماۋ ءۇشىن ەكىنشى دەڭگەيدەگى بانكتەردىڭ، سونداي- اق ميكروقارجى قىزمەتىن جۇزەگە اسىراتىن ۇيىمداردىڭ قارىزدارى بويىنشا مەرزىمى وتكەن بەرەشەگى 90 كۇننەن اساتىن تۇلعالارعا تۇتىنۋ قارىزدارىن بەرۋدى شەكتەۋ ۇسىنىلادى. بۇل رەتتە پروبلەمالىق بەرەشەكتىڭ ءوسۋىن شەكتەۋ جانە قولدانىستاعى قارىزدار بويىنشا قارىز الۋشىلاردىڭ بورىشتىق جۇكتەمەسىن تومەندەتۋ ماقساتىندا قارىز الۋشىلاردىڭ بەرەشەكتى قايتا قارجىلاندىرۋعا، ونىڭ ىشىندە نەعۇرلىم ءتيىمدى شارتتاردا قۇقىعىن ساقتاۋ قاجەت»، - دەپ تۇسىندىرمە بەرىلگەن.
ايتا كەتسەك، قولدانىستاعى زاڭنامادا مۇنداي شەكتەۋ جوق.
قۇجات 6-ساۋىرگە دەيىن كوپشىلىك تالقىلاۋدا بولادى.