ليۋكسەمبۋرگتە قوعامدىق كولىكتەردىڭ تەگىن قاتىناعانىنا 3 جىل بولدى
ەل بيلىگى بۇل باستامانى سالىقتاردىڭ ەسەبىنەن قارجىلاندىرىپ وتىر.
«بۇل قوماقتى شىعىندى تالاپ ەتەدى. سونىمەن بىرگە سىزدەر ونىڭ ءىس جۇزىندە سالىقتاردىڭ ەسەبىنەن جابىلاتىنىن ءبىلۋىڭىز قاجەت. ول بارلىق سالىق تولەۋشىلەر ەسەبىنەن تولەنەدى. مۇنىڭ ۇلكەن ادىلدىگى بار. ويتكەنى، كىم از سالىق تولەسە، بۇل جۇيەگە از تولەم جاساسا نەمەسە ەشتەڭە تولەمەسە دە تەگىن بولادى. ال مول سالىق تولەيتىندەر جۇيەگە كوبىرەك تولەم جاسايتىندىعى انىق»، - دەدى ليۋكسەمبۋرگدىڭ ۇتقىرلىق ءمينيسترى فرانسۋا باۋش.
دەگەنمەن، ەلدە جەكە كولىكپەن جۇرەتىندەردىڭ سانى ءالى دە باسىم. ال تەگىن كولىك جۇيەسىن قولدانۋشىلار ونى «فۋندامەنتالدى قۇقىق» دەپ اتايدى.
«بۇل شەكارالاس بارلىق تۇرعىنداردىڭ، اسىرەسە بەلگيا، گەرمانيا جانە فرانسيا ازاماتتارىنىڭ ەمىن- ەركىن ساياحاتتاۋىنا مۇمكىندىك بەرەدى. مۇنان بولەك، بۇل ەركىندىكتىڭ جاقسى ءتۇرى. تەكسەرۋشىلەر دە از، ماشاقات تا از. جول ءجۇرۋ تەگىن بولعاندىقتان قوعامدىق كولىك پەن جەكە اۆتوموبيل اراسىندا تاڭداۋ جاساۋ، شەشىم قابىلداۋ دا جىلدام. سونىمەن قاتار بۇل قورشاعان ورتاعا دا وڭ اسەرىن تيگىزەدى ءارى ۇنەمدى»، - دەپ اتاپ وتەدى جولاۋشىلار.
اۆتور
مارلان جيەمباي