ش ق و- دا 3 ەلدى مەكەندى سۋ باسۋدان امان الىپ قالۋ شارالارى جۇرگىزىلىپ جاتىر
13 ناۋرىز, 16:56

ش ق و- دا 3 ەلدى مەكەندى سۋ باسۋدان امان الىپ قالۋ شارالارى جۇرگىزىلىپ جاتىر

وسكەمەن. قازاقپارات - شىعىس قازاقستان وبلىسىندا التاي اۋدانىنداعى 3 ەلدى مەكەندى سۋ باسۋدان امان الىپ قالۋ ءۇشىن مۇز جارۋ جۇمىستارى جۇرگىزىلىپ جاتىر، دەپ حابارلايدى قازاقپارات ءتىلشىسى.

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، التاي اۋدانىنداعى مالەيەۆسك، بوگاتىريەۆو جانە بىكوۆو اۋىلدارىنداعى بۇقتىرما وزەنىندە مۇز جارۋ جۇمىستارى جۇرگىزىلدى. مۇنداعى ماقسات - مۇز كەپتەلىسىن بولدىرماۋ، ەلدى مەكەندەردى سۋ باسۋىنىڭ الدىن الۋ.

جارىلىستار ناتيجەسىندە، جالپى اۋدانى 49500 شارشى مەتر اۋماقتا مۇز ۇساقتالدى. بارلىعى 2750 كەلى جارىلعىش زات پايدالانىلدى.

«مۇز جارۋ سۋ تاسقىنىنا قارسى شارالار اياسىندا قولعا الىنۋدا. قۇتقارۋشىلارعا جەرگىلىكتى اتقارۋشى ورگان وكىلدەرى دە كومەك كورسەتىپ جاتىر. جارىلىس كوپىرلەر مەن ەلدى مەكەندەردىڭ جانىنداعى مۇز قالىڭ جەرلەردە جۇرگىزىلدى»، - دەلىنگەن اقپاراتتا.

ەسكە سالساق، وسىعان دەيىن ش ق و- دا سۋ تاسقىنى قاۋپى بار ۋچاسكەلەرگە تىكۇشاقپەن بارلاۋ جۇرگىزىلگەنى حابارلاندى.


جاڭالىقتار