بيىل 3 مىڭنان استام ەتنيكالىق قازاق قانداس مارتەبەسىن الدى
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، 2023 -جىلعى 1-ناۋرىزداعى جاعداي بويىنشا 3134 ەتنيكالىق قازاق تاريحي وتانىمەن تابىسىپ، قانداس مارتەبەسىن الدى. جالپى 1991 -جىلدان بەرى رەسپۋبليكاعا 1 ميلليون 110,1 مىڭ ەتنيكالىق قازاق ورالدى.
«جىل باسىنان قازاقستانعا كەلگەن قانداستاردىڭ جارتىسى (%50) وزبەكستاننان، % 16,3 - قىتايدان، % 15,9 - رەسەيدەن، % 8,4 - تۇرىكمەنستاننان، % 4,5 - موڭعوليادان جانە % 4,9 باسقا ەلدەردەن. كەلگەن ەتنيكالىق قازاقتار نەگىزىنەن الماتى (%27) ، ماڭعىستاۋ (%16,6) ، تۇركىستان (%7,1) جانە جامبىل (%3,6) وبلىستارىنا، سونداي- اق استانا (%10,5) ، الماتى (%7,6) جانە شىمكەنت (%6,5) قالالارىنا قونىستاندى»، - دەپ جازدى ۆەدومستۆودان.
اعىمداعى جىلدىڭ 1- اقپانىنداعى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار سانى % 69,1- دى، ەڭبەككە قابىلەتتى جاستان كىشى % 22,7 دى جانە زەينەتكەرلەر % 8,2 دى قۇرايدى.
ەڭبەككە قابىلەتتى جاستاعى كانديداتتاردىڭ ىشىنەن ءبىلىم دەڭەيى بويىنشا % 20,1 جوعارى ءبىلىمدى، % 40,9 ورتا كاسىبي ءبىلىمدى، % 35,2 جالپى ورتا ءبىلىمدى جانە % 3,8 ءبىلىمى جوق.