بانكتەر مەن پوليسەيلەردىڭ اتىنان جىل باسىنان 3 مىڭ الاياقتىق جاسالعان
بۇل تۋرالى ق ر ءى ءى م كريمينالدىق پوليسيا دەپارتامەنتى كيبەرقىلمىسقا قارسى كۇرەس ورتالىعىنىڭ باسشىسى جاندوس ءسۇيىنباي ءمالىم ەتتى، دەپ حابارلايدى قازاقپارات ءتىلشىسى
«سيفرلىق تەحنولوگيالاردىڭ دامۋى ولاردىڭ كومەگىمەن ۇرلىقتىڭ ارتۋىنا اكەلدى. كەيىنگى كەزدە ينتەرنەت- الاياقتىق قوعامدا رەزونانس تۋدىرىپ وتىر. بيىل ەلىمىزدە 18,5 مىڭنان استام ينتەرنەت- الاياقتىق قىلمىسى تىركەلدى. بۇل وتكەن جىلمەن سالىستىرعاندا (19328) تومەن. ينتەرنەت- الاياقتىق كوبىنە تاۋارلاردى ونلاين ساتىپ الۋمەن بايلانىستى. اتاپ ايتقاندا وسى ادىسپەن 6 مىڭ قىلمىس جاسالعان. قازىرگى ۋاقىتتا بانك نەمەسە قۇقىق قورعاۋ ورگاندارى قىزمەتكەرلەرىنىڭ اتىنان جاسالعان الاياقتىق ەرەكشە الاڭداۋشىلىق تۋدىرىپ وتىر. اتالعان تاسىلمەن جىل باسىنان بەرى 3 مىڭنان استام الاياقتىق قىلمىسى جاسالدى»، - دەدى جاندوس ءسۇيىنباي ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
ونىڭ ايتۋىنشا، الاياقتار ابونەنتتىك ءنومىردى اۋىستىرۋعا ارنالعان سەرۆيستەردى بەلسەندى پايدالانادى.
«الەۋمەتتىك ينجەنەريا ادىستەرىن قولدانا وتىرىپ، الاياقتار شوتتاعى كۇدىكتى وپەراتسيالار نەمەسە نەسيە الۋعا ارەكەت تۋرالى حابارلايدى. كوبىنەسە ولار وزدەرىن پوليسيا قىزمەتكەرى رەتىندە تانىستىرادى نەمەسە بانك قىزمەتكەرى رەتىندە ارنايى وپەراتسيا ءجۇرىپ جاتقانىن حابارلايدى»، - دەيدى ول.
سپيكەردىڭ مالىمەتىنشە، اتالعان جايت بويىنشا ءىس اشىلعان جاعدايدا قىلمىستىق كودەكستىڭ 190-بابى 2-بولىگىنىڭ 4-تارماعى (اقپاراتتىق جۇيەنى پايدالانۋشىنى الداۋ نەمەسە ونىڭ سەنىمىن تەرىس پايدالانۋ ارقىلى جاسالعان الاياقتىق) 4 جىلعا دەيىن باس بوستاندىعىنان ايىرۋدى، ايىپپۇل (4 مىڭ ا ە ك) سالۋدى كوزدەيدى. سونداي- اق توپتاسىپ اسا ءىرى مولشەردە قىلمىس جاساعان جاعدايدا ايىپتىلار 5 جىلدان 10 جىلعا دەيىن باس بوستاندىعىنان ايىرىلۋى ىقتيمال.