اباي وبلىسىندا ەسىرتكىنىڭ اسا ءىرى كولەمىمەن 3 ستۋدەنت ۇستالدى

None
None
اباي. قازاقپارات - اباي وبلىسىندا اسا ءىرى كولەمدەگى سينتەتيكالىق ەسىرتكىمەن ءۇش ستۋدەنت ۇستالدى، دەپ حابارلايدى قازاقپارات Polisia.kz سايتىنا سىلتەمە جاساپ.

سەمەي قالاسىنىڭ ماڭىندا ەسىرتكى ساتۋشىلاردى ۇستاۋ وپەراتسياسى ءوتتى. اباي وبلىستىق پوليتسيا دەپارتامەنتى ەسىرتكى قىلمىسىنا قارسى ءىس- قيمىل باسقارماسىنىڭ قىزمەتكەرلەرى پسيحوتروپتىق زاتتاردى ساتتى دەگەن كۇدىكپەن جەرگىلىكتى كوللەدجدىڭ 18 جاستاعى ءۇش ستۋدەنتىن ۇستادى.

كۇدىكتىلەر Telegram ارنالار جانە ينتەرنەت سايتتار ارقىلى پسيحوتروپتىق زاتتارعا تاپسىرىس الىپ، سەمەي قالاسىنىڭ اۋماعىندا جاسىرىن ورىنعا قويىپ كەتىپ وتىرعان. ءتىنتۋ شارالارىن جۇرگىزۋ كەزىندە ولاردان پوليەتيلەنگە ورالعان 34 دانا ەسىرتكى تۇيىنشەگى تاركىلەندى. الىنعان زات سالماعى 13 گرامم، الفا- PVP سينتەتيكالىق ەسىرتكىسى ەكەنى انىقتالدى. بۇل اسا ءىرى كولەم بولىپ تابىلادى.

«قازىرگى ۋاقىتتا ق ر قىلمىستىق كودەكسىنىڭ 297-بابىنا سايكەس سوتقا دەيىنگى تەرگەۋ جۇرگىزىلىپ جاتىر.. . ءىستىڭ بارلىق فيگۋرانتى سەمەي قالاسى پوليتسيا باسقارماسىنىڭ ۋاقىتشا ۇستاۋ يزولياتورىنا قامالدى. كۇدىكتىلەر 15 جىلعا دەيىن باس بوستاندىعىنان ايىرىلۋى ىقتيمال»، - دەلىنگەن مالىمەتتە.

پوليسيادان اتاپ وتكەندەي، جاز مەزگىلىندە مەكتەپ وقۋشىلارى مەن ستۋدەنت جاستار دەمالىستا بولاتىندىقتان، اتا- انالار بالالارى بوس ۋاقىتتى قالاي جانە كىممەن وتكىزەتىنىنە مۇقيات بولۋى كەرەك.



سوڭعى جاڭالىقتار