ميدىڭ قارتايۋىنا اكەلەتىن 3 فاكتور
الىمدار ميدىڭ قارتايۋى بۇكىل اعزانىڭ قارتايۋ پروتسەسىن قوزدىراتىنى تۋرالى كوپ ايتادى. ۋاقىت وتە كەلە نەيروندىق بەلسەندىلىكتىڭ تومەندەۋى گورمونالدى پروتسەستەردى تەجەيدى، بۇل ءوز كەزەگىندە مەتابوليزمگە جانە جاسۋشالاردىڭ جاڭارۋ جىلدامدىعىنا اسەر ەتەدى. دەمەك، مي جاسۋشالارىنىڭ «ىدىراۋىن» باسەڭدەتەتىن نەمەسە تولىعىمەن توقتاتاتىن مەحانيزمگە، ادامزاتقا ماڭگىلىك جاستىق سىيلايتىن قۇرالعا اينالادى.
زياندى ادەتتەر
الكوگول، تەمەكى شەگۋ ميدىڭ جاۋى سانالادى. مۇنىڭ ءبارى تامىرلارعا، دەمەك، ميدىڭ قانمەن قامتاماسىز ەتىلۋىنە تەرىس اسەر ەتەدى. ءبىراق ماريحۋانا نەيروندارعا بۇلاردان دا كۇشتى سوققى بەرەدى. كاننابيويدتەر ميعا دەسترۋكتيۆتى اسەر ەتىپ، شيزوفرەنيا سياقتى اۋرۋلارعا شالدىقتىرادى.
سترەسس
انالار مەن اجەلەر: «بارلىق دەرت جۇيكەدەن» دەيدى. زاماناۋي عالىمدار ولاردىڭ دۇرىستىعىن راستايدى: سترەسس گورمونى كورتيزول ميدىڭ كولەمىن فيزيكالىق تۇردە كىشىرەيتەدى جانە ونىڭ قارتايۋىن تەزدەتۋگە ىقپال ەتەدى. كورتيزولدىڭ جوعارى دەڭگەيى ليمبيالىق جۇيەگە، اتاپ ايتقاندا، اقپاراتتى ەستە ساقتاۋعا جانە ۇمىتۋعا جاۋاپ بەرەتىن جادقا ناشار اسەر ەتەدى. گيپپوكامپتىڭ زاقىمدانۋى ميدىڭ كورتيزول اسەرىنە توتەپ بەرۋ قابىلەتىن السىرەتەدى جانە ۋاقىت وتە كەلە ميدىڭ باسقا بولىكتەرى سترەسستەن زارداپ شەگە باستايدى.
جالقاۋلىق
فيزيكالىق جانە ينتەللەكتۋالدىق بەلسەندىلىكتىڭ بولماۋى ميدىڭ، دەمەك، بۇكىل اعزانىڭ قارتايۋ پروتسەسىن جەدەلدەتەدى. بۇعان جول بەرمەۋ ءۇشىن بوكسقا نەمەسە شەت ءتىلى كۋرسىنا جازىلىڭىز. وقۋ، دالىرەك ايتساق، جاڭا داعدىلاردى مەڭگەرۋ پروتسەسى، ميدىڭ نەيروندىق بايلانىستارىن نىعايتادى جانە سپورتپەن اينالىسۋ ونى بەكىتە تۇسەدى.