وزبەكستان استاناسىندا حالىق سانى 3 ميلليونعا جۋىقتادى

تاشكەنت. قازاقپارات - وزبەكستان استاناسى تاشكەنت قالاسىنىڭ حالىق سانى قارقىندى ارتىپ كەلەدى جانە بۇگىنگە دەيىن 3 ميلليون ادامعا جۋىقتادى، دەپ حابارلايدى قازاقپارات مەنشىكتى ءتىلشىسى.

تاشكەنت حوكيمياتى ستاتيستيكا باسقارماسىنىڭ مالىمەتىنشە، جىل باسىنان ەل استاناسىنىڭ حالقى 47,1 مىڭ نەمەسە % 1,6 ارتتى.

«استانامىز تۇرعىندارىنىڭ سانى قارقىندى ارتىپ كەلەدى. 2022 -جىلعى 1 - ماۋسىمداعى جاعداي بويىنشا، تۇراقتى حالىق سانى 2909500 ادامدى قۇرايدى. ولاردىڭ اراسىندا 1426400 - ەر ادامدار، 1483100 - ايەلدەر»، - دەدى حوكيمياتتىڭ باسپا ءسوز قىزمەتىنەن.

استانانىڭ 12 اۋدانىنىڭ اراسىندا دەموگرافيالىق كورسەتكىش بويىنشا المازار، يۋنۋساباد جانە شايحانتاحۋر الدىڭعى ورىندا تۇر. ولاردا 350 مىڭنان استام ادام تۇرادى.

حالىق ەڭ از قونىستانعان ەلدى مەكەندەر: ياككاساراي - 125,5 مىڭ ادام، بەكتەمىر اۋداندارى - 54 مىڭ ادامى.

اۆتور ميرا تولەندى قىزى