جوعارى اتاققا يە بولعان پەداگوگتەر 3 ميلليون تەڭگەدەن ءبىرجولعى تولەم الادى
بۇل تۋرالى ق ر وقۋ- اعارتۋ ۆيتسە ءمينيسترى عاني بەيسەمبايەۆ ايتتى، دەپ حابارلايدى قازاقپارات ءتىلشىسى.
«قازىرگى كەزدە پەداگوگتەردىڭ جالاقىسىن كوتەرۋ 2020 -جىلدىڭ قاڭتار ايىنان باستالدى. بۇل باعىتتاعى جۇمىستار 2023 -جىلى اياقتالادى. سونىمەن قاتار، اتتەستاتسيادان جانە بىلىكتىلىكتى ارتتىرۋدان وتكەن ءبىزدىڭ ۇستازدار ءۇشىن قوسىمشا تولەمدەر ەسكەرىلگەن. وسى قوسىمشا تولەمدەر مەن ۇستەمە اقىنى، جالاقىنى ءوسىرۋدى ەسكەرە وتىرىپ، اۋىل مەكتەبىندەگى پەداگوگ ورتاشا ەسەپپەن 400 مىڭ تەڭگەگە تارتا الىپ وتىر»، - دەدى ع. بەيسەمبايەۆ «حابار 24» ارناسىنا بەرگەن سۇحباتىندا.
ونىڭ ايتۋىنشا، 2021 -جىلدان بەرى 26 پەداگوگ العاش رەت «قازاقستاننىڭ ەڭبەك سىڭىرگەن ۇستازى» اتاعىن الدى.
«قازاقستاننىڭ ەڭبەك سىڭىرگەن ۇستازى» مەملەكەتتىك ناگراداسى مۇعالىمدەرگە ۇزدىك جەتىستىكتەرى مەن مەملەكەت الدىنداعى ەرەكشە ەڭبەگى ءۇشىن بەرىلەدى. جوعارى اتاققا يە بولعان پەداگوگ 1000 ا ە ك (شامامەن 3 ميلليون تەڭگە) مولشەرىندە ءبىرجولعى تولەم الادى.
«مۇنىمەن قوسا، مەملەكەت ۇزدىك پەداگوگتارعا قولداۋ كورسەتىپ كەلەدى. ۇزدىك مۇعالىم اتاعىن العان پەداگوگتەر 1 مىڭ ا ە ك سوماسىندا سىياقا الادى. بۇل تۇرعىدا وسى قادامدار جوسپارلاعان ناتيجەگە جەتكىزەدى دەپ ويلامىن. وسى ورايدا مەملەكەت جاساپ جاتقان قولايلى جاعدايدىڭ ارقاسىندا ءبىلىمدى وقۋشىلاردى تاربيەلەۋگە مۇمكىن بولادى»، - ۆيتسە- مينيستر.
اۆتور رۋسلان عابباسوۆ