قازاقستاندا كوروناۆيرۋسپەن اۋىرعاندار 3 ەسەگە جۋىق ءوستى
5 شىلدە 22:02

قازاقستاندا كوروناۆيرۋسپەن اۋىرعاندار 3 ەسەگە جۋىق ءوستى

نۇر- سۇلتان. قازاقپارات - ماۋسىم ايىنىڭ ورتاسىنان باستاپ COVID-19 اۋرۋشاڭدىعى سالىستىرمالى تۇردە 2,9 ەسە ءوستى، دەپ حابارلايدى قازاقپارات.

COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ مالىمەتىنشە، 27 -ماۋسىمدا سىرقاتتانۋشىلىقتىڭ تاۋلىكتىك ءوسۋى 61 جاعدايدى قۇراسا، 5-شىلدەدە 187 دەرەككە كوبەيدى.

«اۋرۋشاڭدىق كورسەتكىشىنىڭ جوعارىلاۋ تەندەنتسياسى ريەۆاكتسيناتسيا قارقىنىنىڭ تومەندەۋىمەن بايلانىستى. كوروناۆيرۋسقا قارسى مۇلدە ەكپە الماعان تۇرعىندار قاتارى دا از ەمەس. ىندەتكە شالدىعۋ جاعدايلارىنىڭ %80 عا جۋىعى ۆاكسيناتسيالانباعان نەمەسە سوڭعى يممۋنيزاتسيادان كەيىن 6 ايدان استام ۋاقىت وتكەن ادامدار ۇلەسىندە. سانيتارلىق- ەپيدەميولوگيالىق باقىلاۋ كوميتەتى بۇعان دەيىن ازاماتتاردىڭ ريەۆاكتسيناتسيادان وتۋدەن باس تارتۋىنا بايلانىستى سىرقاتتانۋشىلىقتىڭ ءوسۋ قاۋپى تۋرالى ەسكەرتكەن بولاتىن» ، - دەپ جازدى كوميسسيا.

ايتا كەتەيىك، ە ل بويىنشا بارلىعى 10,4 ميلليون استام ادام COVID-19 ۆيرۋسىنا قارسى ەگىلدى. 4,8 ميلليون ادام قايتا ۆاكسيناتسيالاندى. ستاتيستيكا كورسەتىپ وىترعانداي، ريەۆاكسيناتسيا قارقىنى 2 ەسە تومەندەگەن.

بۇگىنگى تاڭدا ەلىمىزدە ۆاكسينالاردىڭ جەتكىلىكتى قورى بار. حالىقتى يممۋنداۋ وتاندىق QazVac، قىتايلىق Vero Cell جانە امەريكاندىق Pfizer پرەپاراتتارىمەن جۇرگىزىلەدى.

ەپيدەميولوگيالىق احۋالدى باعالاۋ ماتريتساسىنا سايكەس الماتى قالاسى «سارى» ايماقتا. قازىر وڭتۇستىك مەگاپوليستە سىرقاتتانۋشىلىقتىڭ تاۋلىكتىك ءوسىمى 112 جاعدايدى قۇرايدى.

جاڭالىقتار