جولاۋشىلار پويىزى مەن جۇك كولىگى سوقتىعىسىپ 3 ادام قازا تاپتى
28 ماۋسىم 16:29

جولاۋشىلار پويىزى مەن جۇك كولىگى سوقتىعىسىپ 3 ادام قازا تاپتى

نۇر-سۇلتان. قازاقپارات – ا ق ش- تىڭ ميسسۋري شتاتىندا جولاۋشىلار پويىزى مەن جۇك كولىگىنىڭ سوقتىعىسۋى سالدارىنان ءۇش ادام قازا تاۋىپ، ونداعان ادام جاراقات الدى، دەپ حابارلايدى قازاقپارات BBC News-كە سىلتەمە جاساپ.

امەريكانىڭ «Amtrak» ۇلتتىق تەمىرجول وپەراتورىنىڭ حابارلاۋىنشا، لوس-اندجەلەستەن چيكاگوعا باعىت العان «Southwest Chief» جولاۋشىلار پويىزى مەندون ماڭىنداعى تەمىرجول وتكەلىندە جۇك كولىگىنە سوعىلعان.

وقيعا سالدارىنان 7 ۆاگون مەن 2 لوكوموتيۆ رەلستەن شىعىپ كەتكەن.

جول-پاترۋلدىك پوليتسيا قىزمەتكەرلەرى سوقتىعىستىڭ سالدارىنان پويىزداعى ەكى ادام، جۇك كولىگىندە ءبىر ادام قازا تاپقانىن راستادى.

پويىزداعى 243 جولاۋشى مەن 12 ەكيپاج مۇشەسىنىڭ كەم دەگەندە 50 ءى جاراقات العان. بۇعان دەيىن پويىزداردىڭ رەلستەن شىعىپ كەتۋىنە بايلانىستى جول-كولىك وقيعالارى يران، قىتاي جانە گەرمانيادا تىركەلگەن.

جاڭالىقتار