قازاقستاندىق 3 تاەكۆوندوشى پارا ازيا ويىندارىنا جولداما الدى
29 مامىر 09:56

قازاقستاندىق 3 تاەكۆوندوشى پارا ازيا ويىندارىنا جولداما الدى

نۇر-سۇلتان. قازاقپارات - ب ا ءا- ءنىڭ شاردجا قالاسىندا پاراتاەكۆوندودان وتكەن پارا ازيا ويىندارىنا ىرىكتەۋ تۋرنيرى مارەسىنە جەتتى، دەپ حابارلايدى قازاقپارات.

جارىسقا قازاقستانمەن بىرگە، وزبەكستان، لاوس، فيليپين، تايلاند، جاپونيا، باحرەين، يراك، يران، ينديا، نەپال جانە مونعوليا مەملەكەتتەرىنەن 70 كە جۋىق سپورتشى قاتىستى.

«تۋرنيردە ەل نامىسىن 7 سپورتشى قورعاپ، جۇلدەلى ورىندارعا يە بولدى. ولاردىڭ قاتارىندا ءبىرىنشى ورىن يەلەنگەن اليشەر گاريپوللايەۆ، ەكىنشى ورىندى جەڭىپ العان جانبولات قازيەۆ پەن ميلانا كراساۆتسيەۆا، ءۇشىنشى ورىندى ەنشىلەگەن باۋىرجان كوشەربايەۆ پەن نۇربەك جۇماقان بار. مۇنىڭ ىشىندە اليشەر گاريپوللايەۆ، جانبولات قازيەۆ جانە ميلانا كراساۆتسيەۆا پارا ازيا ويىندارىنا جولداما الدى»، - دەپ حابارلادى مادەنيەت جانە سپورت مينيسترلىگىنەن.

ايتا كەتسەك، اتالمىش ويىندار ءتورت جىلدا ءبىر رەت وتەتىن ءدۇبىرلى دودا بولىپ كەلەدى. كەزەكتى جازعى IV پارا ازيا ويىندارى قىتاي حالىق رەسپۋبليكاسىنىڭ حانجوۋ قالاسىندا وتەدى.

جاڭالىقتار