قوسشىدا 3 جاسار بالا تەرەزەدەن قۇلاپ كەتتى
23 مامىر 13:02

قوسشىدا 3 جاسار بالا تەرەزەدەن قۇلاپ كەتتى

كوكشەتاۋ. قازاقپارات - اقمولا وبلىسىنىڭ قوسشى قالاسىندا 3 جاسار بالا ابايسىزدا ءتورتىنشى قاباتتاعى پاتەردىڭ تەرەزەسىنەن قۇلاپ كەتتى، دەپ حابارلايدى قازاقپارات ءتىلشىسى.

وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، كەلەڭسىز جاعداي مامىردىڭ 21-دە ساعات 16:00 شاماسىندا بولعان.

«اقمولا وبلىسىنىڭ قوسشى قالاسىندا 3 جاسار بالا ابايسىزدا ءتورتىنشى قاباتتاعى پاتەردىڭ تەرەزەسىنەن قۇلاپ كەتتى. زارداپ شەككەن بالا نۇر- سۇلتان قالاسى بالالار اۋرۋحاناسىنىڭ نەيروحيرۋرگيا بولىمشەسىنە جاتقىزىلدى»، - دەدى ۆەدومستۆودان.

پوليتسيادان اتاپ وتكەندەي، ءبۇلدىرشىن اناسى دۇكەنگە شىعىپ كەتكەندە تەرەزەدەن قۇلاعان. قازىرگى كەزدە وقيعانىڭ ءمان- جايىن انىقتالىپ جاتىر. وتباسى ەكى بالا تاربيەلەپ وتىر. ارنايى ورگانداردىڭ ەسەبىندە تۇرمايدى.

ايتا كەتەيىك، بۇعان دەيىن قوسشىدا 7 جاسار قىز پەشتىڭ ىشىندە تۇنشىعىپ كوز جۇمعانىن حابارلاعان ەدىك.

اۆتور: اسلان وسپانوۆ

جاڭالىقتار