دزيۋدودان قىزدار قۇراماسى ەۋروپا كۋبوگىنان 3 مەدال جەڭىپ الدى

مالاگا. قازاقپارات - دزيۋدودان قازاقستان جاستار قىزدار قۇراما كومانداسى ەۋروپا كۋبوگىنان ءۇش مەدال ەنشىلەدى، دەپ حابارلايدى قازاقپارات ۇلتتىق وليمپيادا كوميتەتىنە سىلتەمە جاساپ.

يسپانيانىڭ مالاگا قالاسىندا دزيۋدودان جاستار اراسىندا ەۋروپا كۋبوگى ءوتتى. اتالعان بايراقتى باسەكەدە قازاقستاندىق بۇرىمدى بالۋاندار ءبىر التىن، ءبىر كۇمىس جانە ءبىر قولا مەدالعا قول جەتكىزدى. اتاپ ايقاندا 63 كەلىگە دەيىنگى سالماق دارەجەسىندە ەسميگۋل كۋيۋلوۆا قارسىلاس شاق كەلتىرمەي، جارىس جەڭىمپازى اتاندى. ال 78 كەلىدەن جوعارى سالماق دارەجەسىندە كارينا تاكيەۆا كۇمىس مەدالمەن كۇپتەلسە، ايدا تويشىبەكوۆا قولا جۇلدەنى قاناعات تۇتتى. ايتا كەتەرلىگى، اتالعان باسەكەگە 29 ەلدەن 320 تاتامي شەبەرى قاتىستى.