تارتىپسىزدىكتەر كەزىندە زارداپ شەككەندەردىڭ نەسيەسى 3 اي كەيىنگە شەگەرىلەدى
بۇل تۋرالى ق ر قارجى نارىعىن رەتتەۋ جانە دامىتۋ اگەنتتىگى قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ دەپارتامەنتىنىڭ ديرەكتورى الەكساندر تەرەنتيەۆ ايتىپ بەردى، دەپ حابارلايدى قازاقپارات.
«ەلىمىزدە ت ج ەنگىزۋ سالدارىنان كوپتەگەن كاسىپكەرلەر، قاراپايىم ازاماتتار كوممەرتسيالىق قىزمەتىن نەمەسە جۇمىسىن توقتاتۋعا ءماجبۇر بولدى. وسىعان بايلانىستى ولاردىڭ تابىسى تومەندەدى، كاسىپكەرلىك سۋبەكتىلەرىنە ايتارلىقتاي ماتەريالدىق زالال كەلدى، ەندى بۇلىنگەن مۇلىكتى جوندەۋگە، بيزنەستىڭ قالىپتى رەجيمىن قايتارۋعا ۋاقىت قاجەت. وسىعان بايلانىستى ءبىزدىڭ اگەنتتىك پرەزيدەنتتىڭ تاپسىرماسى بويىنشا دەرەۋ بانكتەرمەن، ميكروقارجى ۇيىمدارىمەن جۇمىس جۇرگىزدى جانە بارلىق كرەديتورلار ءۇشىن قارىز بەن ميكروكرەديتتەردىڭ بارلىق تۇرلەرى بويىنشا كەيىنگە قالدىرۋدىڭ ءبىرىڭعاي ءتارتىبىن قابىلدادى. كەيىنگە شەگەرۋ بارلىق زارداپ شەككەن زاڭدى جانە جەكە تۇلعالارعا تج ەنگىزىلگەن كۇننەن باستاپ ءۇش ايعا بەرىلەدى» ، - دەدى الەكساندر تەرەنتيەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
سپيكەردىڭ ايتۋىنشا، قارىزدار مەن ميكروكرەديتتەر بويىنشا كەيىنگە شەگەرۋ كەزەڭىندە بارلىق بانكتەر جانە ميكروقارجى ۇيىمدارى تۇراقسىزدىق ايىبىنىڭ، ايىپپۇلدىڭ، ءوسىمپۇلدىڭ سوماسىن ەسەپتەمەيدى.
ودان بولەك، كرەديتتەردى وتەۋ مەرزىمىن وتكىزىپ الۋ جانە كەيىنگە شەگەرۋ قارىز الۋشىنىڭ كرەديتتىك تاريحىن ناشارلاتۋعا، ول تۋرالى كرەديتتىك بيۋروعا تەرىس اقپارات بەرۋگە نەگىز بولمايدى.
«كەيىنگە شەگەرۋدى الۋ ءۇشىن قارىز تولەۋشى كەز كەلگەن قولجەتىمدى بايلانىس تاسىلىمەن نەمەسە كرەديتوردىڭ بولىمشەسىنە جەكە بارىپ، ەركىن تۇردە ءوتىنىش جازۋى قاجەت. بۇل وتە يكەمدى جۇمىس، مۇندا 2020-2021-جىلدارى بەرىلگەن كەيىنگە شەگەرۋ جولدارى پايدالانىلدى»، - دەدى الەكساندر تەرەنتيەۆ.
بۇعان دەيىن سپيكەر تارتىپسىزدىك كەزىندە قازا تاپقان بەيبىت تۇرعىنداردىڭ نەسيەسى كەشىرىلەتىنىن ايتقان ەدى.