USD 429.57 EUR 447.35
RUB 6.94 CNY 63.23
جاڭالىقتار

الماتىدا زارداپ شەككەن كاسىپكەرلەر 3 اي كوممۋنالدىق قىزمەت اقىسىن تولەمەيدى

20 قاڭتار 15:03
:ءبولىسۋ
الماتىدا زارداپ شەككەن كاسىپكەرلەر 3 اي كوممۋنالدىق قىزمەت اقىسىن تولەمەيدى

الماتى. قازاقپارات - الماتىدا زارداپ شەككەن شاعىن جانە ورتا بيزنەس سۋبەكتىلەرىنە قولداۋ كورسەتىلەدى. بۇل تۋرالى قالا اكىمى باقىتجان ساعىنتايەۆ اكتيۆ وتىرىسىندا مالىمدەدى، دەپ حابارلايدى قازاقپارات ءتىلشىسى.

الماتى اكىمى باقىتجان ساعىنتايەۆتىڭ ايتۋىنشا، اكىمدىك شوب سۋبەكتىلەرىنە قارجىلىق جانە باسقا دا قولداۋ كورسەتەدى.

«ءبىز زارداپ شەككەن شاعىن جانە ورتا بيزنەس سۋبەكتىلەرىن 3 ايعا كوممۋنالدىق شىعىنداردان بوساتامىز. ياعني، زارداپ شەككەن بيزنەستىڭ كوممۋنالدىق شىعىندارى جەرگىلىكتى بيۋدجەت ەسەبىنەن جابىلادى. شوب سۋبەكتىلەرىن كوممۋنالدىق نىسانداردى جالعا الۋ اقىسىنان 6 اي مەرزىمگە بوساتامىز. ءبىراق، بۇل ماسەلە ءار نىسانمەن جەكە شەشىلەدى. قازىر جالعا بەرۋشىلەرمەن زارداپ شەككەن بيزنەسكە جەڭىلدىكتەر بويىنشا كەلىسسوز جۇرگىزىپ جاتىرمىز»، - دەدى الماتى اكىمى.

قازىرگى ۋاقىتتا «Silk way» ، «پاسساج»، «س ۋ م» ساۋدا ورتالىقتارى زارداپ شەككەندەردى جالداۋ اقىسىن تولەۋدەن بوساتۋعا دايىن ەكەندەرىن راستادى.

اۆتور: دۋمان ارعىنگەلدى


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات