ەپيداحۋالدى باعالاۋ ماتريساسى: «قىزىل» ايماققا تاعى 3 وبلىس كىردى

نۇر- سۇلتان. قازاقپارات – ق ر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسياسى 2022 -جىلعى 14-قاڭتارداعى جاعداي بويىنشا قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريتساسىن جاريالادى، دەپ حابارلايدى قازاقپارات.

«قىزىل» ايماقتا: نۇر- سۇلتان، الماتى، شىمكەنت قالالارى، اتىراۋ، اقتوبە اقمولا، باتىس قازاقستان، ماڭعىستاۋ، قاراعاندى، قىزىلوردا، پاۆلودار وبلىستارى.

«سارى» ايماقتا: الماتى، جامبىل، قوستاناي وبلىستارى.

«جاسىل» ايماقتا: تۇركىستان، سولتۇستىك قازاقستان، شىعىس قازاقستان وبلىستارى.

ايتا كەتەيىك، «قىزىل» ايماققا كىرگەن اقمولا مەن پاۆلودار جانە باتىس قازاقستان وبلىستارى كەشە 13-قاڭتاردا «سارى» ايماقتا تۇرعان بولاتىن. ال كەشە «جاسىل» ايماقتا تۇرعان الماتى مەن جامبىل وبلىستارى «سارى» ايماققا كىردى.