ەلىمىزدە 3 وبلىس اۋماعىندا اۋا رايىنا بايلانىستى ەسكەرتۋ جاريالاندى
30- قاراشادا كۇندىز ماڭعىستاۋ وبلىسىنىڭ باتىسىندا، ورتالىعىندا شاڭدى داۋىل سوعۋى مۇمكىن. وڭتۇستىك-شىعىستان جەل سوعادى، وبلىستىڭ باتىسىندا، ورتالىعىندا جىلدامدىعى 15-20 م/س جەتەدى.
اقتاۋ قالاسىندا ەرتەڭ كۇندىز شاڭدى داۋىل سوعادى. وڭتۇستىك-شىعىستان جەل سوعادى، كۇندىز ەكپىنى 15-18 م/س جەتەدى.
30- قاراشادا باتىس قازاقستان وبلىسىنىڭ سولتۇستىك-باتىسىندا، سولتۇستىگىندە كوكتايعاق بولۋى ىقتيمال. وبلىستىڭ سولتۇستىگىندە تۇمان تۇسەدى. جەل وڭتۇستىك-شىعىستان، وڭتۇستىكتەن سوعادى، وبلىستىڭ سولتۇستىگىندە ەكپىنى 15-20 م/س جەتەدى.
ورال قالاسىندا ەرتەڭ كۇندىز كوكتايعاق بولادى. تۇندە جانە تاڭەرتەڭ تۇمان تۇسەدى.
جەل وڭتۇستىك-شىعىستان، وڭتۇستىكتەن سوعادى، كۇندىز ەكپىنى 18 م/س جەتەدى.
30- قاراشا مەن 2- جەلتوقسان ارالىعىندا قىزىلوردا وبلىسىنىڭ سولتۇستىگىندە تۇمان تۇسەدى.