جامبىلدا 3 توننادان استام ەسىرتكى تاركىلەندى

تاراز. قازاقپارات - جامبىل وبلىسى اكىمدىگى جانىنداعى قۇقىق بۇزۋشىلىق پروفيلاكتيكاسى ۆەدومستۆوارالىق كوميسسيا وتىرىسى ءوتتى، دەپ حابارلايدى قازاقپارات ءتىلشىسى.

ءوڭىر باسشىسى بەردىبەك ساپاربايەۆ بيىلعى جىلدىڭ توعىز ايىندا قىلمىستىق قۇقىق بۇزۋشىلىق وتكەن جىلدىڭ وسى كەزەڭىمەن سالىستىرعاندا 7,5 پايىزعا تومەندەگەنىن اتاپ ءوتتى. الايدا، وبلىستا اسا اۋىر قىلمىس سانى ارتقاندىعى بايقالادى. وبلىستىق پوليتسيا دەپارتامەنتى باستىعىنىڭ ءبىرىنشى ورىنباسارى تەمىربەك ورازىمبەتوۆتىڭ ايتۋىنشا، جۇرگىزىلگەن جۇمىس ناتيجەسىندە 3 توننادان استام ەسىرتكى زاتتارى تاركىلەنگەن. بۇل كورسەتكىش وتكەن جىلمەن سالىستىرعاندا 372 كەلى كوپ، ونىڭ مالىمەتىنشە، جەرگىلىكتى پوليسيا قىزمەتى باسقارماسىنا قاراستى 367 ۋچاسكەلىك پوليسيا ينسپەكتورى جانە ولاردىڭ 85 كومەكشىسى قىزمەت ەتەتىنىن ايتتى.

«وبلىستا بارلىعى 197 ۋچاسكەلىك پوليتسيا پۋنكتى بار، ونىڭ ىشىندە وبلىس ورتالىعى تارازدا 30، اۋدانداردا - 167»، - دەگەن تەمىربەك ورازىمبەتوۆ 119 ۋچاسكەلىك پوليسيا پۋكتىنە جوندەۋ جۇمىسى قاجەتتىگىن اتاپ ءوتتى.

جىل سوڭىنا دەيىن بىرنەشە اۋىلدا ۋچاسكەلىك پوليسيا قىزمەتكەرى ۇيمەن قامتىلادى. ول بيىل جوسپار بويىنشا 5 ۋچاسكەلىك پوليتسيا پۋنكتىن جانە 4 مودۋلدىك ستاتسيونارلىق بەكەت سالىناتىندىعىن جەتكىزدى. ايماق باسشىسى ادام ولىمىنە سوقتىراتىن قىلمىس پەن الاياقتىق دەرەكتەرىن ازايتۋ ءۇشىن قاجەتتى جۇمىس جۇرگىزۋ كەرەكتىگىن ايتتى.

«جول- كولىك وقيعالارىنا كىنالى جۇرگىزۋشىلەرگە قاتاڭ شارالار قولدانۋ كەرەك. جول بويىندا جايىلعان مال يەلەرى قاتىستى تەكسەرىس جۇرگىزۋ ماڭىزدى، جەرىلىكتى قوعامدىق ۇيىمدار، بەلسەندىلەرمەن بىرىگىپ تۇنگى رەيدتەر جاساۋ قاجەت. بۇل تۇرعىدا بارلىق قۇقىق قورعاۋ جانە مەملەكەتتىك ورگاندار بىرلەسىپ جۇمىس ىستەۋلەرى كەرەك»، - دەگەن بەردىبەك ساپاربايەۆ.