وسكەمەندە الاياق بىرەۋدىڭ پاتەرىن 3 ميلليون تەڭگەگە ساتىپ جىبەرگەن

وسكەمەن. قازاقپارات - وسكەمەن قالاسىندا وزگەنىڭ پاتەرىن 3 ميلليون تەڭگەگە ساتىپ جىبەرگەن الاياق ۇستالدى، دەپ حابارلايدى قازاقپارات ءتىلشىسى.

قالالىق پوليسيا باسقارماسى باسپا ءسوز قىزمەتىنىڭ مالىمەتىنە سۇيەنسەك، ەرتىس پوليتسيا بولىمشەسىنە 48 جاستاعى قالا تۇرعىنى جۇگىنگەن. ءوز سوزىندە ول پاتەر ساتاتىنىن ايتىپ سەندىرگەن تانىسىنا 3 ميلليون تەڭگە بەرگەنىن جەتكىزدى.

«الاياق ەر ادامعا پاتەردى ارزان باعامەن ساتاتىندىعىن ايتقان. قولىندا تۇرعىن ءۇي قۇجاتتارى بولماعان ول جالعان قۇجات جاساتتى. جابىرلەنۋشى بۇعان سەنىپ، سۇراعان اقشانى بەرگەننەن كەيىن پاتەر يەلەرى كەلىپ، ءۇيدىڭ ساتىلماعانىن حابارلاعان»، - دەدى باسقارما باستىعى اندرەي مۋلا.

اتالعان فاكتى بويىنشا پوليتسيا قىزمەتكەرلەرى 52 جاستاعى قالا تۇرعىنىن ۇستادى. ءوز كىناسىن تولىق مويىنداعان ول اقشانى جۇمساپ ۇلگەرگەن. قازىرگى ۋاقىتتا پوليسەيلەر ق ر ق ك- ءنىڭ 190-بابى 1-بولىگىنە (الاياقتىق) سايكەس سوتقا دەيىنگى تەرگەۋ امالدارىن جۇرگىزۋدە.