10:46, 22 - قىركۇيەك 2021 | GMT +6
ءۇندىستان پورتىندا اۋعانستاننان جەتكىزىلگەن 3 توننا گەروين تاركىلەندى
نۇر- سۇلتان. قازاقپارات - ءۇندىستاننىڭ گۋدجارات شتاتىنداعى پورتتا جۇرگىزىلگەن اۋقىمدى وپەراتسيا اياسىندا كونتراباندامەن كۇرەس جونىندەگى قىزمەت شامامەن 2,7 ميلليارد دوللار سوماعا باعالانعان ءۇش تونناعا جۋىق گەروين تاركىلەدى، دەپ حابارلايدى قازاقپارات BBC- گە سىلتەمە جاساپ.
تاۋار تالك رەتىندە اۋعانستاننان بەندەر- ابباس يران پورتى ارقىلى جەتكەن. ءۇندىستاننىڭ سالىقتى بارلاۋ قىزمەتى (DRI) ەلگە كەلە جاتقان جۇكتىڭ ىشىندە ەسىرتكى بار ەكەنى تۋرالى اقپارات الدى. بارلاۋ قىزمەتىنىڭ دەرەكتەرى بويىنشا، تاۋاردى ەلدىڭ وڭتۇستىگىندەگى ۆيدجاياۆادا قالاسىنداعى ءۇندى كومپانياسى يمپورتتاعان.
ەسىرتكىنى زاڭسىز اينالىمعا ەنگىزۋ ءىسى بويىنشا ەكى ادام ۇستالدى، تاعى بىرنەشە ادام تەرگەلىپ جاتىر. ولاردىڭ قاتارىندا اۋعانستان ازاماتتارى بار. قىلمىستىق ساراپتاما الداعى ۋاقىتتا تاركىلەنگەن ەسىرتكىنىڭ ناقتى قۇنىن انىقتايدى. ءتىنتۋ شارالارى سونىمەن قاتار دەلي، احماداباد جانە چەنناي سياقتى قالالاردا دا ءوتتى.