الماتىداعى 3 جولايرىق قۇرىلىسى قاشان اياقتالادى؟

None
None
الماتى. قازاقپارات - الماتى اكىمى باقىتجان ساعىنتايەۆ مەگاپوليستەگى ءۇش جول ايرىعىنىڭ قۇرىلىس قارقىنىن، مەتروپوليتەننىڭ ينفراقۇرىلىمىن جانە اباي داڭعىلىن قالا شەكاراسىنا دەيىن ۇزارتۋ جۇمىستارىن تەكسەردى، دەپ حابارلايدى قازاقپارات ءتىلشىسى.

قالا اكىمى الماتىنىڭ «شىعىس قاقپاسىنداعى»، بۇقتىرما كوشەسى مەن قۇلجا تراكتىسىنىڭ قيىلىسىنداعى جولايرىعىندا بولدى. قۇلجا تاس جولى ارقىلى وتەتىن ەستاكادانىڭ ۇزىندىعى - 784 مەتر، بۇقتىرما كوشەسى بويىنداعى تۋننەلدىڭ ۇزىندىعى - 570 مەتر.

جىل سوڭىنا دەيىن جەكەلەگەن باعىتتار بويىنشا كولىك قوزعالىسىن اشۋ جوسپاردا. نىساندى تولىق پايدالانۋعا بەرۋ كەلەسى جىلعا كوزدەلگەن. بۇل بۇقتىرما كوشەسىندەگى كولىك اعىنىن - %30 عا، قۇلجا تراكتىسىندە وتكىزۋ قابىلەتىن %15 عا ارتتىرۋعا مۇمكىندىك بەرەدى.

باقىتجان ساعىنتايەۆ سەيفۋللين داڭعىلى مەن جانسۇگىروۆ كوشەسىنىڭ قيىلىسىنداعى تۋننەل تۇرىندەگى جولايرىقتىڭ جۇمىس بارىسىمەن تانىستى. جوبا بويىنشا سەيفۋللين داڭعىلى بويىمەن كولىكتىڭ كەدەرگىسىز قوزعالىسى ءۇشىن جالپى ۇزىندىعى 690 مەتر بولاتىن ەكى تۋننەل سالۋ قاراستىرىلعان.

كولىك قۇرالدارىنىڭ كوشەدە ءجۇرۋى. جانسۇگىروۆ كوشەسىندەگى، سونداي-اق وزگە كولىك قوزعالىستارى جەر دەڭگەيىندە وتەدى. ءتورت جەر ءۇستى جاياۋ جۇرگىنشىلەر وتكەلدەرىن، تروتۋارلاردى سالۋ، اۋماقتى اباتتاندىرۋ جانە كوگالداندىرۋ قاراستىرىلعان.

جوبانى 2022-جىلى اياقتاۋ جوسپارلانعان. قالا اكىمى رىسقۇلوۆ داڭعىلى مەن ەمتسوۆ كوشەسى قيىلىسىنداعى جولايرىعى قۇرىلىسىنىڭ قارقىنىن تەكسەردى. ەستاكادانىڭ ۇزىندىعى 186 مەتر، رىسقۇلوۆ داڭعىلىندا - 8 مەتر، ال ەمتسوۆ كوشەسىنىڭ بويىندا 4 جولاق قاراستىرىلعان.

بۇدان باسقا، باقىتجان ساعىنتايەۆ ارلەۋ جۇمىستارى ءجۇرىپ جاتقان سارىارقا جانە دوستىق بەكەتتەرىندەگى مەتروپوليتەننىڭ ءبىرىنشى جەلىسىنىڭ ەكىنشى كەزەڭىنىڭ قۇرىلىس بارىسىمەن تانىستى.

ەكى بەكەتتى تەحنيكالىق ىسكە قوسۋ جىل سوڭىنا جوسپارلانعان. سونداي-اق، الماتى اكىمىنە قالقامان بەكەتىندەگى مەتروپوليتەننىڭ ءبىرىنشى جەلىسىنىڭ ەكىنشى كەزەڭىنىڭ ءۇشىنشى ىسكە قوسۋ كەشەنىن سالۋدىڭ جۇمىس بارىسى تۋرالى باياندالدى.

جوبادا دوستىق بەكەتىنەن قالقامان بەكەتىنە دەيىن ۇزىندىعى 2,48 شاقىرىم بولاتىن ءاشىموۆ كوشەسىنەن تومەن سالىناتىن توننەلدىڭ قۇرىلىسى قاراستىرىلعان. جۇمىس ساپارى كەزىندە الماتى اكىمى اباي داڭعىلىن قالقامان شاعىن اۋدانىنداعى مومىش ۇلى كوشەسىنەن اۋەزوۆ كوشەسىنە دەيىن ۇڭگىلەۋ جۇمىسىنىڭ بارىسىن تەكسەردى. ونىڭ جالپى ۇزىندىعى 4,8 شاقىرىم.

«شۇعىلا» شاعىن اۋدانىنداعى ياسساۋي كوشەسىنەن بەرەكە كوشەسىنە دەيىنگى ۋچاسكەنىڭ ۇزىندىعى 3 شاقىرىم، مۇنداعى جۇمىستار اياقتالىپ قالدى. جوبا بويىنشا 6 جولاقتى جول، تروتۋارلار، ۆەلوجولدار سالۋ قاراستىرىلعان. قۇرىلىس ايماعىندا ورنالاسقان ۋچاسكەلەر ۋاقتىلى ساتىپ الىنسا، وندا جۇمىستى اعىمداعى جىلدىڭ سوڭىنا دەيىن اياقتاۋ جوسپارلانۋدا.

وسىنىڭ ارقاسىندا، اباي داڭعىلى مومىش ۇلى كوشەسىنەن ناۋرىزباي اۋدانىنىڭ اكىمشىلىك ورتالىعىنا دەيىن ۇزاراتىن بولادى.

باقىتجان ساعىنتايەۆ جولايرىقتارى مەن كوشەلەردى ۇزارتۋدىڭ بارلىق نىساندارى بويىنشا جۇمىس كۇشى مەن تەحنيكانى كەڭىنەن جۇمىلدىرۋدى، جۇمىستىڭ ساپاسى مەن ۋاقتىلى اتقارىلۋىن باقىلاۋدى تاپسىردى.

بۇدان وزگە، ءتيىستى ۆەدومستۆولاردىڭ باسشىلارى جوبالاردى ىسكە اسىرۋ كەزىندە تۋىندايتىن ماسەلەلەردى جەدەل شەشۋلەرى قاجەت.

سوڭعى جاڭالىقتار