+7 (701) 759 90 19
7 °С : نۇر-سۇلتان
18 °С : الماتى
USD 423.95 EUR 495.81
RUB 5.84 CNY 65.6
جاڭالىقتار

ەلوردادا شومىلۋ ماۋسىمى باستالماي جاتىپ 3 ادام سۋعا كەتكەن

18 ماۋسىم 13:16
:ءبولىسۋ
ەلوردادا شومىلۋ ماۋسىمى باستالماي جاتىپ 3 ادام سۋعا كەتكەن

نۇر-سۇلتان. قازاقپارات - استانانىڭ اۋماعىنداعى سۋ ايدىندارىندا شومىلۋ ماۋسىمى باستالماي جاتىپ 3 ادام قايتىس بولعان، دەپ حابارلايدى قازاقپارات ءتىلشىسى.

نۇر-سۇلتان قالاسىنىڭ توتەنشە جاعدايلار دەپارتامەنتى باسشىسىنىڭ مىندەتىن اتقارۋشى ەسەن بايىروۆ شومىلۋ ماۋسىمى باستالماي جاتىپ، سۋعا باتقاندار بار ەكەنىن ايتادى.

«2020 -جىلدىڭ وتكەن شومىلۋ كەزەڭىندە نۇر-سۇلتان قالاسىنىڭ سۋ ايدىندارىندا 5 ادام قازا تاپتى. بيىل شومىلۋ كەزەڭى باستالعانعا دەيىن ەلوردانىڭ سۋ ايدىندارىندا قايعىلى وقيعالار تىركەلدى. وندا 3 ادام، ىشىندە ءبىر بالا جان تاپسىردى. العاشقى قايعىلى وقيعا 18-مامىردا بولدى. ەر ادام رۇقسات ەتىلمەگەن جەردە سۋعا تۇسكەن»، - دەدى دەپارتامەنت باسشىسى اكىمدىكتىڭ اقپارات الاڭىندا وتكەن ونلاين بريفينگىدە.

وسىعان بايلانىستى قالانىڭ جاعلاۋلارىندا قاۋىپسىزدىك شارالارى كۇشەيتىلىپ وتىر. اسىرەسە دەمالىس جانە مەرەكە كۇندەرى قۇتقارۋشىلار كۇشەيتىلگەن رەجيمدە جۇمىس ىستەمەك. اتالعان شارادا ەسەن بايىروۆ شومىلۋ ورىندارىندا قاۋىپسىزدىك شارالارى قالاي كۇشەيتىلەتىنىن دە ايتقان بولاتىن.

«مەرەكە جانە دەمالىس كۇندەرى قىزمەتكەرلەر سانى كوبەيتىلىپ وتىرادى. ەلوردا تۇرعىندارى مەن قوناقتارىنا شومىلۋ قاۋىپسىزدىگىنىڭ ەرەجەلەرىن ۇگىت- نايسحات پاراقتارىن تاراتۋ ارقىلى تۇسىدىرەمىز. 19 اكىمشىلىك حاتتاما جاسالدى. اكىمدىكپەن بىرلەسىپ 140 تىيىم سالۋ بەلگىسى ورناتىلدى، 20 اقپاراتتىق ستەند ورناتىلدى»، - دەدى ەسەن بايىروۆ.

اۆتور: ەسىمجان ناقتىباي



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات