قىزىلوردادا 3 جىل بۇرىن جوعالعان ادام تۇركىستاننان تابىلدى
2018-جىلدىڭ قازان ايىندا قىزىلوردا وبلىسىنىڭ تۇرعىنى پوليتسياعا ءوزىنىڭ 48 جاستاعى تۋعان ءىنىسىنىڭ تۇرعىلىقتى ۇيىنەن بەلگىسىز باعىتقا شىعىپ كەتىپ، قايتا ورالماعانى جونىندە حابارلاعان ەدى.
اتالعان دەرەك بويىنشا سول ۋاقىتتا ىزدەستىرۋ ءىسى ارنالىپ، جەدەل-ىزدەستىرۋ جۇمىستارى جۇرگىزىلدى.
«بۇل باعىتتا قارماقشى اۋداندىق پوليتسيا ءبولىمىنىڭ كريمينالدى پوليتسيا بولىمشەسىنىڭ جەدەل ۋاكىلدەرىمەن تىنىمسىز ىزدەستىرۋ جۇمىستارىن جۇرگىزدى. وسىنىڭ ناتيجەسىندە حابار-وشارسىز كەتكەن ازامات ءۇش جىلداي ۋاقىتتان كەيىن تۇركىستان قالاسىندا ۆوكزال ماڭىندا جۇرگەن جەرىنەن تابىلدى. ول قارماقشى اۋداندىق پوليتسيا بولىمىنە جەتكىزىلىپ، ىنىسىنە تاپسىرىلدى. بەلگىلى بولعانداي، ول جۇيكە اۋرۋىمەن سىرقاتتانادى. وعان دەيىن دە بىرنەشە مارتە ۇيىنەن كەتىپ قالعان. سۇراستىرۋ بارىسىندا، جوعالعان ەر ادام وسىعان دەيىن الماتى قالاسىندا شارۋاشىلىقتا مال باعىپ كۇنىن كورگەندىگىن ايتقان»، - دەپ ءمالىم ەتتى قىزىلوردا وبلىستىق پوليتسيا دەپارتامەنتىنەن.
بۇدان بۇرىن قىزىلوردادا تاڭعى ساعات 6 دا ۇيدەن شىعىپ، جوعالىپ كەتكەن بەس جاسار بالا تابىلدى.