قازاقپارات كۇنتىزبەسى: 3- ناۋرىز
اتاۋلى كۇندەر
دۇنيەجۇزىلىك تۇمسا تابيعات كۇنى
بۇل دۇنيەجۇزىلىك كۇندى اتاپ ءوتۋ تۋرالى ارنايى قارار 2013-جىلعى 20- جەلتوقساندا ب ۇ ۇ باس اسسامبلەياسىنىڭ 68-سەسسياسىندا قابىلداندى. دۇنيەجۇزىلىك جازۋشىلار كۇنى حالىقارالىق پەن- كلۋبتىڭ 48- كونگرەسىنىڭ شەشىمى نەگىزىندە اتاپ وتىلەدى.
كلۋب 1921 -جىلى قۇرىلعان. ۇيىمنىڭ اتاۋى اعىلشىننىڭ poets - اقىندار، essayists - وچەركشىلەر، novelists - رومانشىلار سوزدەرىنىڭ باستاپقى ارىپتەرىنەن قۇرىلعان. سونىمەن قاتار، pen ءسوزى اعىلشىن تىلىنەن اۋدارعاندا «قالام» دەگەن ماعىنانى بىلدىرەدى.
يدەيانىڭ اۆتورى - اعىلشىن جازۋشىسى كەترين ەمي دوۋسون- سكوتت. بۇگىنگى تاڭدا ولار الەمنىڭ 130 ەلىندە، ونىڭ ىشىندە قازاقستاندا دا بار.
حالىقارالىق ەستۋ قابىلەتىن قورعاۋ كۇنى
2007-جىلى قىتايدا وتكەن ەستۋ قابىلەتى ناشارلاۋىنىڭ الدىن الۋ، ساۋىقتىرۋ بويىنشا ءبىرىنشى حالىقارالىق كونفەرەنتسيادا بەلگىلەندى. ونىڭ ماقساتى - حالىقتى ەستۋ قابىلەتىنىڭ پروبلەمالارى تۋرالى حاباردار ەتۋ، قۇلاق اۋرۋىنىڭ ءورشۋىنىڭ الدىن الۋعا باعىتتالعان شارالاردى جۇزەگە اسىرۋ.
3.3 ساندارى ادامنىڭ 2 قۇلاعىنىڭ پىشىنىنە ۇقساس. سوندىقتان دا 3- ناۋرىز - قۇلاق ساۋلىعىن قورعاۋ كۇنى بولىپ بەلگىلەندى.
ەستە قالار وقيعالار
1990-جىلى «مولودايا گۆارديا» جۋرنالىندا ساكەن ءجۇنىسوۆتىڭ (1934-2006) «تروپا» اتتى پوۆەسى باسىلىپ شىقتى. بۇل - ۆ. سولوۋحين ءتارجىمالاعان «زاماناي مەن اماناي» داستانىنىڭ اۋدارماسى.
1993 -جىلى ورتالىق ازيانىڭ بەس مەملەكەتى (قازاقستان، قىرعىزستان، وزبەكستان، تاجىكستان جانە تۇرىكمەنستان) حالىقارالىق ارال تەڭىزىن قۇتقارۋ قورىن قۇردى.
2010 -جىلى قازاقستاندىق جازۋشى گەرولد بەلگەرگە گەرمانيا مەن قازاقستان حالىقتارىنىڭ اراسىنداعى ءوزارا تۇسىنىستىكتى دامىتۋعا قوسقان ەرەكشە ۇلەسى ءۇشىن «گەرمانيا فەدەراتيۆتىك رەسپۋبليكاسىنا سىڭىرگەن ەڭبەگى ءۇشىن» وردەنى تابىس ەتىلدى.
بۇل وردەن گەرولد بەلگەردىڭ حالىقتار دوستىعىنا قوسىپ وتىرعان ەڭبەگىنە گەرمانيا تاراپىنان بەرىلگەن جوعارى باعا بولدى. گەرولد بەلگەر 1934-جىلى تۋعان. نەمىس، ورىس، قازاق تىلدەرىندە قاتار جازعان جازۋشى. «اۋىل شەتىندەگى ءۇي»، «دالاداعى شاعالالار» (1976)، «التى اسۋ»، «تاس وتكەل» (ورىس، قازاق، نەمىس تىلدەرىندە)، «باۋىرلاستىقتىڭ جاندى بەينەسى»، «ۇندەستىك»، «ۋاقىتپەن بەتپە-بەت» (نەمىس تىلىندە)، «ءۇش اۋەن سارىنى»، «گەتە جانە اباي»، «رودستۆو»، «زەمنىە يزبراننيكي» اتتى زەرتتەۋ ەڭبەكتەرى، جانە باسقا دا شىعارمالارى جارىق كورگەن.
جازۋشى گ. بەلگەر 81 جاسىندا 2015 -جىلى 7- اقپان كۇنى الماتى قالاسىندا جۇرەك اۋرۋىنان قايتىس بولدى.
2010 -جىلى استاناداعى «استانا- تاۋەر» عيماراتىندا فينليانديانىڭ قازاقستانداعى ەلشىلىگى اشىلدى. ميككو كيننۋنەن فينليانديانىڭ قازاقستان رەسپۋبليكاسىنداعى ءبىرىنشى ەلشىسى بولىپ تاعايىندالدى. فينليانديا قازاقستاننىڭ تاۋەلسىزدىگىن 1991-جىلعى جەلتوقساننىڭ 30 ىندا مويىندادى. ەكى ەل اراسىنداعى ديپلوماتيالىق قارىم-قاتىناس 1992-جىلعى مامىردىڭ 13 ىندە ورناتىلدى.
2011 -جىلى لوندوندا ق ر پارلامەنت ءماجىلىسىنىڭ دەپۋتاتى نۇرتاي سابيليانوۆقا ۆيكتوريا پاتشايىمى اتىنداعى ناگرادا تابىستالدى.
2014 -جىلى سوچيدەگى XXII قىسقى وليمپيادا ويىندارىنىڭ قولا جۇلدەگەرى دەنيس تەن «جىل سپورتشىسى» رەسپۋبليكالىق بايقاۋىنىڭ جەڭىمپازى اتاندى. وعان ديپلوم مەن مۇسىنشە سىيعا تارتىلدى.
2017 -جىلى ۆەلوسپورتتان قازاقستان قۇراماسى باحرەيندە وتكەن ازيا چەمپيوناتىندا ەڭ ۇزدىك ناتيجەگە قول جەتكىزدى. ءبىزدىڭ سپورتشىلار جارىستا 5 التىن، 3 كۇمىس جانە 3 قولا مەدال جەڭىپ الدى.
2017 -جىلى قىتايداعى «y am a singer» جوباسىندا زور جەتىستىككە جەتكەن ديماش قۇدايبەرگەن ق ر تۇڭعىش پرەزيدەنتى قورى سىيلىعىنىڭ لاۋرەاتى اتاندى.
2018 -جىلى قازاقستاننىڭ بىرىككەن ۇلتتار ۇيىمىنا مۇشە بولۋىنىڭ 26 جىلدىعى اياسىندا ب ۇ ۇ شتاب-پاتەرىندە قازاقستاننىڭ يادرولىق قارۋعا تىيىم سالۋ تۋرالى شارتقا قول قويۋ ءراسىمى ءوتتى.
2018 -جىلى ەلدىڭ جوعارى ءبىلىم بەرۋ سالاسىن دامىتۋعا قوسقان ۇلەسى ءۇشىن اكادەميك تورەگەلدى شارمانوۆ احمەت بايتۇرسىنوۆ وردەنىمەن ماراپاتتالدى.