سولتۇستىك قازاقستاندا اناسى ۇرعان 3 جاسار قىز قايتىس بولدى
س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، پەتروپاۆلدا 3 جاسار قىز العان دەنە جاراقاتتارىنان وبلىستىق بالالار اۋرۋحاناسىندا قايتىس بولدى. 17 - قاڭتار تۇسكەن ءسابيدىڭ ومىرىنە دارىگەرلەر اراشا تۇسكەنىمەن، امان الىپ قالا المادى.
كامەلەتكە تولماعاننىڭ دەنساۋلىعىنا اسا اۋىر زيان كەلتىرۋ دەرەگى بويىنشا ق ر قىلمىستىق كودەكسىنىڭ 106-بابى 2 -بولىگى «دەنساۋلىققا قاساقانا اۋىر زيان كەلتىرۋ» بويىنشا سوتقا دەيىنگى تەرگەۋ جۇرگىزىلىپ جاتىر.
ءسابيدىڭ قايتىس بولۋىنا بايلانىستى قىلمىستىق قۇقىق بۇزۋشىلىقتىڭ قۇرامى ق ر قىلمىستىق كودەكسىنىڭ 106-بابى 3 -بولىگىنە وزگەرتىلدى. بۇل بويىنشا 8-12 جىلعا دەيىن باس بوستاندىعىنان ايىرۋ جازاسى قاراستىرىلعان.
وسى قىلمىستى جاساعان قىزدىڭ اناسى، 1998 -جىلى تۋعان ايەل ۇستالىپ، تەرگەۋ يزولياتورىنا قاماۋعا الىندى.
مامانداردىڭ ايتۋىنشا، قىلمىستىق ءىستىڭ اياسىندا تەرگەۋ امالدارى جۇرگىزىلىپ، ءبىرقاتار ساراپتاما تاعايىندالدى.
قىلمىستىق ءىستىڭ تەرگەۋ بارىسىن س ق و پ د باستىعى، س ق و پروكۋرورى باقىلاۋعا الدى.
اۆتور: اقەركە داۋرەنبەك قىزى