الماتى وبلىسىندا پاتەردەن 3 ادامنىڭ ءمايىتى تابىلدى
24-اقپان كۇنى تاڭەرتەڭ تۇرعىن ءۇي پاتەرلەرىنىڭ بىرىندە زورلىقپەن ءولتىرۋ بەلگىلەرى بار 3 ادامنىڭ دەنەسى تابىلعانى تۋرالى حابار تۇسكەن. پوليسەيلەر قازا بولعانداردىڭ تۇلعاسىن انىقتادى. كوز جۇمعانداردىڭ بارلىعى بەي الەۋمەتتىك ءومىر ءسۇرۋ داعدىسىن ۇستانعان جانە ىشىمدىككە اۋەس بولعان. قىلمىستى جاسادى دەگەن كۇدىكپەن ولاردىڭ تانىسى ۇستالدى.
سول كۇنى بارلىعى قوسىلىپ، ءسپيرتتى ىشىمدىكتەر ىشكەن. كۇدىكتى قىلمىس جاساعاننان كەيىن وقيعا ورنىنان قاشىپ كەتكەن. ال قىلمىس قۇرالىن لاقتىرىپ جىبەرگەن.
ءبىراق پوليتسەيلەر ونى ءبىر تاۋلىك ىشىندە ىزدەپ- تاپتى. ول قىلمىسىن مويىندادى.
كۇدىكتى - بۇعان دەيىن بۇزاقىلىق ءۇشىن ءىستى بولعان، ەسكەلدى اۋدانىنىڭ 26 جاستاعى تۇرعىنى. قازىرگى ۋاقىتتا ۋاقىتشا ۇستاۋ اباقتىسىنا قامالدى، ايعاق زات تاركىلەندى.
ق ر قىلمىستىق كودەكسىنىڭ 99-بابى، 2-بولىگىمەن سوتقا دەيىنگى تەرگەپ- تەكسەرۋ امالدارى باستالدى. وزگە اقپارات تەرگەۋ مۇددەسىنە وراي جاريالانبادى.