جىلدار بويى جالعان شوت- فاكتۋرا جازۋمەن اينالىسقان 3 الماتىلىق سوتتالدى
قارجى مونيتورينگى كوميتەتىنىڭ الماتى قالاسى بويىنشا ەكونوميكالىق تەرگەۋ دەپارتامەنتى جالعان شوت- فاكتۋرامەن بۋحگالتەرلىك قۇجاتتاردى ماتەريالدىق سىياقى ءۇشىن جاساپ كەلگەن ازاماتتارعا قاتىستى سوتقا دەيىنگى تەرگەۋ امالدارىن اياقتادى. تەرگەۋ كەزىندە انىقتالعانداي، الماتى قالاسىنىڭ تۇرعىندارى 2017-2019 -جىلدار ارالىعىندا 7 ج ش س ارقىلى كوممەرتسيالىق ۇيىمداردىڭ سالىقتان جالتارۋىنا كومەكتەسۋ ءۇشىن ج ش س اراسىندا 6 ميلليارد تەڭگەدەن اسا سوماعا ساۋدا- ساتتىق بولعان دەلىنگەن جالعان شوت- فاكتۋرا جازعان.
اتالعان ازاماتتاردىڭ الدىن الا ءسوز بايلاسىپ ەكونوميكا سالاسىنداعى جاساعان زاڭسىز ءىس- ارەكەتىنەن مەملەكەتكە اسا ءىرى كولەمدە زالال كەلگەن. الماتى قالاسى تۇركسىب اۋداندىق سوتىنىڭ ۇكىمىمەن قىلمىستى جاساعان 3 ازامات ق ر ق ك 28-بابى 3- ءبولىمى، 29-بابى 5- ءبولىمى جانە 216-بابى 3-بولىمىمەن كىنالى دەپ تانىلىپ 2,6 جىلدان 3 جىلعا دەيىن باس بوستاندىعىنان ايىرىلدى. سونداي- اق، سوتتىڭ ۇكىمىمەن اتالعان ازامات 10 جىل مەرزىمگە ەكونوميكالىق قىزمەت سالاسىنداعى جەتەكشى لاۋازىمداردى اتقارۋ قۇقىعىنان ايىرىلدى. سوتقا دەيىن ءۇي قاماعىنداعى ايىپتالۋشى ازاماتتار سوت زالىندا قاماۋعا الىندى.