كوروناۆيرۋس: قازاقستاننىڭ 3 قالاسىندا باستاۋىش مەكتەپ وقۋشىلارى تولىقتاي قاشىقتان وقىتىلادى

نۇر-سۇلتان. قازاقپارات - پاۆلودار وبلىسىنىڭ ءۇش قالاسىندا - پاۆلودار، اقسۋ جانە ەكىباستۇز قالالارىندا 7-31- جەلتوقسان ارالىعىندا باستاۋىش جانە ورتا مەكتەپ وقۋشىلارى تولىقتاي قاشىقتان وقۋعا اۋىسادى، دەپ حابارلايدى قازاقپارات.

كارانتين رەجيمى ءبىلىم بەرۋ ورتالىقتارىنا، ۇيىرمەلەرگە جانە مەكتەپتەن تىس قوسىمشا ءبىلىم بەرۋ وبەكتىلەرىنە دە قولدانىلاتىن بولادى.

بۇل شارالار پاۆلودار وبلىسىنىڭ كوروناۆيرۋس تارالۋ قاۋپى بويىنشا «قىزىل ايماقتا» ورنالاسۋىنا بايلانىستى قولعا الىنىپ وتىر.

وڭىردە كوروناۆيرۋس ينفەكتسياسىن جۇقتىرعان 6780 جاعداي تىركەلدى، ونىڭ 4423 ءى پاۆلودار قالاسىنا، 829 ى ەكىباستۇز قالاسىنا جانە 526 سى اقسۋ قالاسىنا تيەسىلى.

سونىمەن قاتار، سوڭعى 3 ايدا وبلىستا COVID-19-بەن 30 عا جۋىق وقۋشى اۋىرىپ قالعان.